Jesus vir my, Jesus vir ons, Jesus vir almal.
Prediker: Ds. Charné Viljoen
Skriflesing: Deut 8: 1-11
Tema: Onthou om te onthou!
Datum:23 Augustus 2026
Vandag se deurkollekte vir Bybelverspreidingsfonds gaan aan die Sinodale Taakspan vir Finansies en Administrasie om Bybels teen subsidie te kan voorsien aan gemeentes wat spesifieke programme loots waar daar kontrole is dat die ontvanger werklik die Bybel wil hê en kan lees.
Tsjetsjnië is ‘n outonome republiek in die Russiese Federasie, met ’n bevolking van sowat 1.5 miljoen mense. Hoewel ’n klein minderheid (meestal Russe of Georgiërs) Christene is, is etniese Tsjetsjniërs gewoonlik Moslem en bekering tot Christenskap bring verskriklike gevolge mee. Christene is huiwerig om hul getuienisse te deel, selfs anoniem, wat evangelisasie besonder moeilik maak.
Ons gebed vir die week: Bid dat ‘n deur vir FEBA Rusland sal oopgaan om die evangelie met die Tsjetsjniërs te deel en dat die evangelie Tsjetsjnië sal verander.
Nuut op 23 Augustus 2026
Eredienste:
Junie, Julie en Augustus Sondae 10:00
Res van die jaar Sondae 09:00
Kategese:
Junie, Julie en Augustus Sondae 10:00
Res van die jaar Sondae 09:00
Leraars:
Ds. Charné Viljoen
Ds Leon Cronje
Kassiere:
Alfreda Stander
Skriba:
Carmi Kriel
Kerkkantoor
Telefoon: 044 620 2205
Faks: 044 050 1532
e-pos: Epos Kontak
webblad: www.nggrootbrak.co,za
Kantoorure: Maandag, Woensdag en Vrydag vanaf 08h30 tot 12h30
Bankbesonderhede:
FNB tjekrekening
Rek Nr. 530 831 865 11
Takkode 210314
Liewe Vriend
God se liefde oor jou lewe is soos die son — dit skyn ook as wolke dit wegsteek. Hier is God se Woord net vir jou vir vandag.
Teks: “Hou U liefde oor ons, Here, want ons stel ons vertroue in U.” (Ps. 33:22)
Liewe Vader, dankie dat U liefde oor my bly — ek vertrou U heeltemal.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Hulp is nader as wat jy dink — God self is jou helper. Hier is God se Boodskap net vir jou vir vandag.
Teks: “Ons vertrou op die Here: Hy is ons hulp en ons beskermer.” (Ps. 33:20)
Liewe Vader, dankie dat U my hulp en my beskermer is — ek wag op U met vertroue.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Nog voor jy vanoggend wakker geword het, het God reeds vir jou dag gesorg. Hier is God se Woord net vir jou.
Teks: “Dit is die Here wat sorg vir dié wat Hom eer, vir dié wat op sy mag vertrou.” (Ps. 33:18)
Liewe Vader, dankie dat U elke dag vir my sorg — ek vertrou op U alleen.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Die wêreld voel soms buite beheer, maar God se troon staan rotsvas. Hier is God se Boodskap net vir jou vir vandag.
Teks: “Van die plek waar Hy as koning sit, sien Hy almal wat onder op die aarde woon.” (Ps. 33:12)
Liewe Vader, dankie dat U as Koning oor alles regeer — ek kan vandag rustig wees.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Jy is nie vandag onsigbaar nie — die God van die hemel hou sy oë op jou. Hier is God se spesiale Woord net vir jou.
Teks: “Die Here kyk uit die hemel en sien al die mense.” (Ps. 33:12)
Liewe Vader, dankie dat U my raaksien, selfs wanneer ek vir ander onsigbaar voel.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Mense se planne verander heeltyd, maar daar is Een wie se plan nooit wankel nie. Hier is God se Woord net vir jou vir vandag.
Teks: “Maar die planne van die Here staan vir altyd vas, sy besluite van geslag tot geslag.” (Ps. 33:11)
Liewe Vader, dankie dat U plan vir my lewe vasstaan — ek vertrou U daarmee.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Mag daar vandag ’n lied in jou hart wees wat niemand kan stilmaak nie. Hier is God se Boodskap net vir jou vir vandag.
Teks: “Jubel in die Here, regverdiges, sing ’n loflied, opregtes!” (Ps. 33:1)
Liewe Vader, dankie dat ek U mag prys — U verdien elke lied.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Prediker: Ds. Leon Cronje
Skriflesing: Eksodus 16: 1-18
Tema: God is genoeg!
Datum: 16 Augustus 2026
“Wie in die geringste betroubaar is, is ook betroubaar waar dit om baie gaan, en wie in die geringste oneerlik is, is ook oneerlik waar dit om baie gaan.”
(Luk. 16: 1020)
Die klein dingetjies
In Lukas maak Jesus Christus ons daarop attent dat ons in die kleine betroubaar moet wees, want dan kan ons ook betroubaar wees met die groter dinge. Want die omgekeerde is ook waar. As jy nie met klein goedjies betroubaar is nie, sal jy ook met groter goed onbetroubaar wees. Dit geld ook vir dankbaarheid.
Hoeveel dankbaarheid betoon ons teenoor die klein goedjies in die lewe. Daardie onverwagse nuwe klein blommetjie wat jy nog nooit raakgesien het nie. Die nuwe saailing wat net begin kop uit steek. Of, indien jy die voorreg gehad het om Namakwaland te besoek, die massas en verskeidenheid van kleur en geur in blomme prag. Die skepping se manier om dankbaarheid te betoon vir ‘n ligte reënbui in ‘n baie dor wêreld!
Daardie onverwagse vriendlikheid van ‘n onbekende; die glimlag op ‘n dag wat jy dit nodig het; die oog kontak van iemand, wat jou raaksien; daardie bemoedigende woord op ‘n grou dag; en so kan mens voort gaan. Sê ons gereeld dankie daarvoor?
Teksverse:
“God het gesê: “Die land moet groen plante laat uitspruit – gewasse wat saad gee, bome wat op die land vrugte dra, vrugte volgens elkeen se aard, vrugte waarin hulle saad is.” Dit het toe so gebeur. Die land het toe groen plante voortgebring, gewasse wat saad gee volgens elkeen se aard, en bome wat vrugte dra waarin hulle saad is, volgens elkeen se aard. God het gesien dat dit goed is.” (Gen. 1: 1220);
“God het gesê: “Kyk, Ek gee vir julle al die gewasse wat saad dra, wat op die oppervlakte van die aarde is, en al die bome waaraan daar vrugte is, wat saad dra. Vir julle sal dit as voedsel dien. En vir al die diere van die aarde en vir al die voëls van die hemel en alles wat rondbeweeg op die aarde waarin lewensasem is, gee Ek al die groen gewasse as voedsel.” Dit het toe so gebeur.” (Gen. 1: 29-3020);
“Die Here God het ‘n tuin aangeplant in Eden, in die ooste en die mens wat Hy gevorm het, daar geplaas. Die Here God het uit die grond allerhande bome laat uitspruit – ‘n genoeë om na te kyk en goed om van te eet.” (Gen. 2: 8-920);
“Ja, die Here het Sion getroos, Hy het al haar puinhope getroos. Hy het haar woestyn soos Eden gemaak, haar Araba soos die tuin van die Here. Vreugde en blydskap word in haar gevind, dankliedere en die klank van begeleiding.” (Jes. 51: 320)
Dankbaarheid ook vir klein dingetjies
Ons word gereeld in die Woord daaraan herinner dat ons moet dankbaar wees. As gelowige Christen is ons dankbaarheid mateloos, by die blote gedagte aan wat Jesus Christus vir ons aan die kruis kom doen het.
Paulus maan ons om waaksaam te wees en in alle omstandighede dankbaar te wees. Ons kan ook vir al die mooi in die skepping dankbaar wees. Die skepping waaroor God tevrede was nadat Hy dit geskep het.
Om te volhard in gebed, is om vas te staan in gesprek met God, die Vader. Dit beteken ons kan om elke hoek en draai, ook waar God se skepping ons verras, dankbaarheid betoon. Ons kan nooit genoeg dankie sê vir alles wat God oor ons pad laat kom nie. Daar is soveel vreugde en liefde oor ons elkeen se pad, wat ons aan God kan herinner.
Teksverse:
“Verder, laat die vrede van Christus in julle harte regeer. As lede van een liggaam, is julle juis daartoe geroep. En wees dankbaar.” (Kol. 3: 1520);
“Volhard in gebed. Wees waaksaam en dankbaar as julle bid.” (Kol. 4: 220);
“Wees altyd bly; bid sonder ophou; wees in alle omstandighede dankbaar; want dit is God se wil vir julle in Christus Jesus.” (1 Thes. 5: 16-1820);
“Daarom, terwyl ons ‘n onwankelbare koninkryk ontvang, laat ons dankbaar wees en God daardeur op ‘n welgevallige wyse dien, met eerbiedige onderworpenheid en ontsag.” (Heb. 12: 2820);
“Aangesien julle dus in Christus Jesus die Here aangeneem het, bly leef in Hom; in Hom is julle gewortel en in Hom word julle opgebou en versterk in geloof, soos julle geleer is, terwyl julle oorvloedig is in dankbaarheid.”(Kol. 2: 6-720)
God se skepping
Volgens die Woord weet ons dat die ganse skepping saam met ons in afwagting is op die nuwe hemel. Daar is niks wat ons kan skei van die liefde Van die Vader, die Seun, en die wonderlike bystand van die Heilige Gees nie.
Die hele skepping verkondig die evangelie en die skeppingsverhaal. Laat ons in afwagting en met dankbaarheid deur die lewe gaan, sodat die wêreld kan weet dat ons kinders is van die drie-enige God.
Teksverse:
“Ons weet immers dat die ganse skepping tot nou toe saam met ons sug, ja, in geboortepyne verkeer. En nie net die die skepping nie, maar ook ons wat die Gees as God se eerste gawe ontvang het , sug innerlik, terwyl ons uitsien na ons aanneming tot kinders, die bevryding van ons liggame.” (Rom. 8: 22-2320);
“Maar in alles is ons selfs meer as oorwinnaars deur Hom wat sy liefde aan ons bewys het. Ek is immers daarvan oortuig dat nóg dood, nóg lewe, nóg engele, nóg magte, nóg teenswoordige, nóg toekomstige gebeure, nóg kragte, nóg hoogte, nóg diepte, nóg enigiets anders in die skepping, ons sal kan skei van die liefde van God in Christus Jesus, ons Here.” (Rom. 8: 37:3920);
“Die Seun is die beeld van die onsigbare God, die Eersgeborene oor die hele skepping.” (Kol. 1: 1520);
“…maar nou het Hy julle deur sy menslike liggaam met Homself versoen, sodat Hy julle, deur sy dood, heilig en sonder foute en onberispelik voor Hom kan stel – mits julle in die geloof bly, stewig gevestig en standvastig, sonder om weg te beweeg van die hoop wat die evangelie bring. Dit is die evangelie wat julle gehoor het, en wat in die hele skepping onder die hemel verkondig is, …” (Kol. 1: 22-2320)
Witkraal is die soutplaas waar ek grootgeword geword het, die anker van die familie. Toe ek twee weke later op Witkraal aankom, skryf die werk homself stuk-stuk klaar. Daar word ek weer herinner aan verlies, spesifiek die dood, hoe dit ons verwar en soms laat voel of dit die einde is. “Die winde in die panne het verkeerdom gewaai, die swaeltjies het verdwaal, hulle’t omgedraai, want jy’t huis toe gegaan om nie weer terug te kom, wat maak ek nou, o liewe son?”
Maar dis juis die verliese wat ons dryf om insig te gaan soek. Dit is soos Cohen gesê het, dat die lig inkom deur die krake.”Ek gaan soek toe na die hemel, want ekt jou verskriklik gemis en ek loop en ek loop maar ek kry nie my rus. Ek roep en ek soek en my voete raak moeg, maar die pad lei my toe reguit na Witkraal toe”
Witkraal word ‘n metafoor vir die hart, die binnekamer waarna die soeke uiteindelik lei en die vrae beantwoord word.
“Wil jy sien hoe lyk die hemel? Hiers dit nou: die hemel is binne-in jou.”
Die lewe is wat ons daarvan maak en hoe ons besluit om dit te sien. Dit alles kom van binne. Wat jou volgende kreatiewe opdrag is, is nie altyd duidelik nie. Ons is bloot net kanale vir die groter kreatiewe bron wat sy skepping laat ontkiem diep binne jou waar die hemel woon.
Baie geluk aan al ons verjaarsdag maats
Sondag 16 Augustus 2026 : Erediens om 10:00 Kleuterkerk en Kategese 10:00.
Sondag 16 Augustus 2026 : Leefkerk 17:00
Dinsdag 18 Augustus 2026 :Die Kerkraad vergader om 17:30
Woensdag 19 Augustus 2026 : Getuienisbediening Sop, Brood & Boodskap uitreik
Woensdag 12 Augustus 2026 – Kooroefening 16:45.
Woensdag 12 Augustus 202618:00 Blokbyeenkoms:Blok 7 (Onder-Bergsig) in die kerksaal – gelei deur ds Charné Viljoen
Woensdag 12 Augustus 202616:00 Blokbyeenkoms:Blok 23 (Groenkloof Reebok & Seeperdjielaan area) en Blok 24 (Reebok Village) in Groenkloof se eetsaal – gelei deur ds Leon Cronje. Heloïse van der Merwe
Saterdag 22 Augustus 2026 – Frank Opperman 19:00
Sondag 23 Augustus 2026 :Kategese. Erediens om 10:00 –GEEN Kleuterkerk.
Lees die volledige afkondigings hier:
(Ons moedig die gemeente aan om te volhard in hul deelname aan ons projek waar ons ‘n bemoedigende boodskap, 2 liter sop en ‘n brood voorsien aan 115 gesinne elke tweede week).
Nuwe Lidmate 2026:
Jannie & Nerina du Plessis van Hartenbos:
Blok 30 (Reebok-Wes & Kleinbrak tot Danabaai)
Baie welkom by ons gemeente.
“Laat ons daarom nie moeg raak om goed te doen nie, want as ons nie verslap nie, sal ons op die regte tyd oes” (Gal. 6:9 Afr20).
Ons gebed vir die week: Loof God vir FEBA Kambodja se getroue bediening! Bid vir geleenthede om die evangelie te deel met diegene wat dit nog moet hoor en vir oop harte wat die Goeie Nuus sal aanvaar.
Nuut op 16 Augustus 2026
Eredienste:
Junie, Julie en Augustus Sondae 10:00
Res van die jaar Sondae 09:00
Kategese:
Junie, Julie en Augustus Sondae 10:00
Res van die jaar Sondae 09:00
Leraars:
Ds. Charné Viljoen
Ds Leon Cronje
Kassiere:
Alfreda Stander
Skriba:
Carmi Kriel
Kerkkantoor
Telefoon: 044 620 2205
Faks: 044 050 1532
e-pos: Epos Kontak
webblad: www.nggrootbrak.co,za
Kantoorure: Maandag, Woensdag en Vrydag vanaf 08h30 tot 12h30
Bankbesonderhede:
FNB tjekrekening
Rek Nr. 530 831 865 11
Takkode 210314
Liewe Vriend
Blydskap is nie iets wat jy hoef te soek nie — dit is Iemand by wie jy dit kry. Hier is ’n Bybelse boodskap net vir jou.
Teks: “Verbly julle in die Here en juig, regverdiges, jubel, alle opregtes.” (Ps. 32:11)
Liewe Vader, dankie vir die blydskap wat U in my hart sit — laat dit vandag oorloop na ander.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Daar is ’n plek waar geen storm jou kan bykom nie — naby aan God se hart. Hier is God se Woord net vir jou vir vandag.
Teks: “U is vir my ’n skuilplek, U beskerm my teen aanvalle, U laat my oorwinningsliedere sing” (Ps. 32:7)
Liewe Vader, dankie dat U my skuilplek is en my oorwinningsliedere laat sing.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Gebed is nie jou laaste uitweg nie — dit is jou eerste en sterkste wapen. Hier is God se Boodskap net vir jou vir vandag.
Teks: “Dit is waarom elke gelowige in ’n tyd van nood tot U bid; selfs vloedwaters sal hom nie skielik oorval nie.” (Ps. 32:6)
Liewe Vader, dankie dat U my hoor elke keer as ek roep — leer my om aan te hou bid.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Vandag kan die dag wees waarop ’n ou las finaal van jou skouers afval. Hier is God se spesiale Boodskap net vir jou.
Teks: “Toe het ek my sonde bely, my oortreding nie weggesteek nie. Ek het gesê: “Voor die Here bely ek my opstandigheid;” en U het my skuld vergewe.” (Ps. 32:5)
Liewe Vader, dankie dat U my vergewe die oomblik as ek my sonde voor U erken.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
Liewe Vriend
Elke toets in jou lewe is ’n kans om te wys aan Wie jy behoort. Hier is God se Boodskap net vir jou vir vandag.
Teks: “Ek wil hulle met hierdie nasies op die proef stel …” (Rigt. 2:22)
Liewe Vader, dankie dat elke toets my nader aan U kan bring — help my om vas te staan.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.
