22 Maart
Mag jy vrede beleef en weet dat God altyd saam met jou is. Hier is die Woord van die Here.
Tema: Die Here sal altyd sorg.
Teks: “U sal my help om reg te lewe. Daar is niks wat iemand groter blydskap kan gee as om saam met U te wees nie. U gee altyd vir U kinders die heel beste. Hulle kry die heel mooiste wat die lewe aanbied by U.” (Ps. 16:11 – Die Boodskap)
- Die vrede wat God gee, is anders as wat die wêreld gee – dit is dieper, vaster en bly selfs in storms staan.
- God gee die heel beste wat die lewe het om te bied – Hy sorg selfs in moeilike tye.
- Die beste plek is om saam met God te wees – soek Sy teenwoordigheid elke dag – nie net in krisisse nie.
- God se sorg oor jou lewe is vas en seker – wees seker daarvan.
- Hy vergeet en verlaat jou nooit nie.
Gebed
Liewe Vader, baie dankie dat U altyd vir my sorg en my die heel beste gee. Help my om vandag in U vrede te rus en te weet dat U saam met my is.
In Jesus se Naam.
Amen.
© NG Kerk Lynnwoodrif – word gebruik met toestemming.