Kategorie: Bybel Dagstukkies 2026

Bybel Dagstukkies vir elke dag met gebed 2026
God se boodskap vir jou vandag met gebed
Kort Bybel stukkies met gebed
Kort Bybelstudies vir elke dag
Gebed vir vandag

Gepubliseer op

Splitsekondes met God. Bybel dagstukkie vir vandag: 4 September 2026 -Pas jou hart en gedagtes op

Dagstukkies April

4 September

Wat jy toelaat om jou hart vol te maak, bepaal watter soort mens jy word — mag jy vandag versigtig kies wat daar ingaan. Hier is God se spesiale Woord net vir jou vir vandag.

Tema: Pas jou hart en gedagtes op

Teks: “Wees veral versigtig met wat in jou hart omgaan, want dit bepaal jou hele lewe.” (Spr. 4:23)

●     Wees vir my ‘n rots om na toe te vlug, waar ek altyd die veiligheid mag vind wat U tot my redding beskik het, want U is my rots en my vesting. (Ps. 71:3)

●     God is die veiligste plek om jou hart aan toe te vertrou — Hy hou dit veilig, ook wanneer die wêreld dit skade wil aandoen.

●     Kyk mooi na wat jy op jou foon inneem — musiek, video’s en gesprekke vorm jou hart al weet jy dit nie altyd nie.

●     Vul jou hart doelbewus met goeie dinge: gebed, Bybelwoorde, en mense wat jou opbou.

Gebed

Liewe Vader, dankie dat ek my hart by U kan wegsteek — help my om versigtig te wees met wat ek daar toelaat.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 3 September 2026 – God se tug is liefde

Dagstukkies April

3 September

Dit is nie lekker as iemand jou reghelp nie, maar dit kan wys dat hulle vir jou omgee. Hier is God se Boodskap net vir jou.

Tema: God se tug is liefde

Teks: “My seun, aanvaar die straf wat van die Here kom en moet jou nie teen Sy teregwysing verset nie, want die Here straf die mens wat Hy liefhet net soos ‘n vader doen met sy seun.”  (Spr. 3:11-12)

●     Vertrou op God! Ja, ek sal weer vir Hom ‘n loflied sing. Hy is my helper (Ps. 42:6)

●     Wanneer God of iemand wat vir jou omgee jou reghelp, is dit nie om jou af te breek nie, maar om jou te help groei.

●     Moenie dadelik kwaad word as jy tereggewys word nie. Vra eerder: “Wat kan ek hieruit leer?”

●     Dink terug aan ‘n tyd toe ‘n bietjie dissipline jou eintlik gehelp het — sê dankie daarvoor.

Gebed

Liewe Vader, dankie dat U my liefhet en my reghelp. Gee my ’n hart wat kan luister en leer.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 2 September 2026 – Soek wysheid soos ‘n skat

Dagstukkies April

2 September

As jy regtig na iets soek, gaan jy alles daaraan doen om dit te kry — mag jy vandag so na God se plan, wil en wysheid soek. Hier is God se Woord net vir jou.

Tema: Soek wysheid soos ‘n skat

Teks: “My seun, neem aan wat ek jou sê, maak wat ek jou voorskryf jou eie, hou jou ore oop vir die wysheid, span jou in om te verstaan.” (Spr. 2:1-2)

●     Ek dors na God, na die lewende God. (Ps. 42:3)

●     God se insig, plan en wil vir jou lewe val nie sommer so in jou skoot nie — jy moet dit soek, net soos jy na iets kosbaars sou soek.

●     Maak elke dag ‘n bietjie tyd oop om iets uit die Bybel te lees of te oordink, al is dit net een vers.

●     Vra God gerus direk vir leiding en rigting oor ‘n keuse wat jy nou moet maak — Hy gee dit vry, gratis en verniet.

Gebed

Liewe Vader, dankie dat U wysheid gee aan almal wat daarna soek — leer my om dit ernstig op te soek.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 1 September 2026 – Luister na gesagsfigure

Dagstukkies April

1 September

Hierdie nuwe maand begin met ‘n goeie les: wysheid begin daar waar jy na die mense luister wat jou liefhet. Hier is God se Boodskap net vir jou vir vandag.

Tema: Luister na gesagsfigure

Teks: “My seun, jy moet luister na die onderrig wat jou vader jou gee; moenie wat jou moeder jou leer, verontagsaam nie: dit sal jou lewe versier soos ‘n krans op jou kop en ‘n kettinkie om jou hals.” (Spr. 1:8-9)

●     Soos ‘n wildsbok smag na waterstrome, so smag ek na U, o God. (Ps. 42:2)

●     Gesagsfigure het al baie meer geleer as jy — hulle raad is nie daar om jou uit te vang of te straf nie, maar om jou te help.

●     Dit voel dalk soms of hulle jou lewe moeiliker maak, maar hulle wysheid is eintlik ‘n versiering, nie ‘n las nie.

●     Mense word deesdae baie oud – vra daarom vandag vir iemand wat ouer as jy is en wat jy vertrou, wat hulle geleer het toe hulle jou ouderdom was.

●     Gryp daardie insig, kennis en wysheid aan en leef voluit.

Gebed

Liewe Vader, dankie vir die mense wat my met wysheid rigting gee — help my om regtig na hulle te luister.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 31 Augustus 2026 – God is naby as jy seerkry

Dagstukkies April

Augustus — Psalms

31 Augustus

Liewe Vriend

Aan die einde van hierdie maand wil God jou verseker: Hy is die naaste aan jou wanneer jy die seerste kry.  Hier is God se Boodskap net vir jou vir vandag.

Tema:  God is naby as jy seerkry

Teks:  “Die Here is naby die gebrokenes, Hy help die moedeloses. Al word die regverdige ook deur hoeveel rampe getref, die Here red hom uit almal.”  (Ps. 34:19-20)

  • Die Here maak dié gesond wat gebroke is van hart, en Hy verbind hulle wonde.  (Ps. 147:3)
  • Die Here is naby dié wat seergekry het — jou trane stoot Hom nie weg nie, dit trek Hom nader.
  • Al tref hoeveel slegte dinge jou, die Here red jou uit almal — Hy maak geen uitsondering nie.
  • Wees ook self naby aan iemand wat seergekry het — soms is jou teenwoordigheid God se troos vir hulle.

Gebed: 

Liewe Vader, dankie dat U naby my is as ek seerkry en dat U my uit alles red — ek stap die nuwe maand saam met U in.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 30 Augustus 2026 – God red jou uit moeilikheid

Dagstukkies April

Augustus — Psalms

30 Augustus

Liewe Vriend

Watter swaarkry ook al vandag oor jou pad kom — dit het nie die laaste sê nie.  Hier is God se spesiale Woord net vir jou.

Tema:  God red jou uit moeilikheid

Teks:  “As die regverdiges om hulp roep, hoor die Here hulle en red Hy hulle uit al hulle benoudhede.”  (Ps. 34:18)

  • Roep na die Here as jy swaarkry — Hy antwoord jou en Hy is by jou in moeilike tye.  (Ps. 91:15)
  • As God se mense om hulp roep, hoor Hy — jou roep bereik die hemel dadelik.
  • Redding kom soms anders as wat jy verwag, maar dit kom altyd op God se perfekte tyd.
  • Hou aan roep en hou aan vertrou — moedeloosheid is nooit jou eindbestemming nie.

Gebed: 

Liewe Vader, dankie dat U my hoor en red elke keer as ek na U roep.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 29 Augustus 2026 – God luister na jou

Dagstukkies April

Augustus — Psalms

29 Augustus

Liewe Vriend

Daar is Iemand wat nooit te besig is om na jou te luister nie.  Hier is God se Boodskap net vir jou vir vandag.

Tema:  God luister na jou

Teks:  “Die Here sorg vir die regverdiges en luister na hulle hulpgeroep.”  (Ps. 34:16)

  • Jy kan die Here liefhê, want Hy hoor jou gebede en luister elke keer as jy roep.  (Ps. 116:1)
  • Die Here sorg vir Sy mense — Sy oog is op jou, dus kyk Hy altyd na jou – Hy  versorg jou.
  • Sy oor is na jou toe gedraai – dus hoor Hy alles wat jy vra en sê.
  • Jy hoef nie groot woorde te gebruik nie – God hoor jou selfs as jy net stil sug.
  • Luister vandag ook self: gee iemand anders die geskenk van jou volle aandag.

Gebed: 

Liewe Vader, dankie dat U altyd na my luister — dit maak my hart rustig en dankbaar.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 28 Augustus 2026 – Kies vrede

Dagstukkies April

Augustus — Psalms

28 Augustus

Liewe Vriend

Vrede kom nie vanself nie — jy moet dit soek, kies en najaag.  Hier is God se Woord net vir jou vir vandag.

Tema:  Kies vrede

Teks:  “Bly weg van die kwaad af en doen wat goed is, soek vrede en jaag dit na!”  (Ps. 34:15)

  • As jou lewe die Here bly maak, laat Hy selfs jou vyande vrede maak met jou.  (Spr. 16:7)
  • Bly weg van die kwaad af — soms is die grootste oorwinning om net weg te stap.
  • Doen wat goed is, aktief en doelbewus — goed wees is iets wat jy doen, nie net voel nie.
  • Wees vandag ’n vredemaker by die huis, by die skool of by die werk.

Gebed: 

Liewe Vader, dankie dat U ’n God van vrede is — help my om vandag vrede te kies.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 27 Augustus 2026 – Pasop wat jy sê

Dagstukkies April

Augustus — Psalms

27 Augustus

Liewe Vriend

Jou woorde kan vandag óf lewe gee óf seermaak — kies hulle versigtig.  Hier is God se Boodskap net vir jou.

Tema:  Pasop wat jy sê

Teks:  “As iemand die lewe liefhet en ’n lang lewe begeer om die goeie te geniet, moet hy sy tong weerhou van kwaadpraat en sy lippe van leuens…”  (Ps. 34:13-14)

  • Wie sy woorde beheer, beskerm sy lewe — die Here gee jou wysheid om reg te praat.  (Spr. 13:3)
  • Moenie sleg praat van ander nie — dit is een van die duidelikste tekens van ’n lewe naby aan God.
  • Leuens breek altyd meer as wat hulle regmaak; kies die waarheid, ook as dit moeilik is.
  • Gebruik jou woorde vandag om op te bou — een woord van bemoediging kan iemand se hele dag verander.

Gebed: 

Liewe Vader, dankie vir die gawe van woorde — help my om hulle vandag reg te gebruik.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 26 Augustus 2026 – Ervaar self Sy goedheid

Dagstukkies April

Augustus — Psalms

26 Augustus

Liewe Vriend

Om van God te hoor is goed, maar om Hom self te ervaar verander jou lewe.  Hier is God se Woord net vir jou vir vandag.

Tema:  Ervaar self Sy goedheid

Teks:  “Kom ondervind en sien self dat die Here goed is! Dit gaan goed met die mens wat by Hom skuil.”  (Ps. 34:8-9)

  • Die Here gee water vir die dors en vul die honger hart met goeie dinge — Hy maak elkeen vol wat na Hom toe kom.  (Ps. 107:9)
  • “Kom ondervind en sien self” — God nooi jou om Sy goedheid nie net te hoor nie, maar self te ervaar.
  • Tweedehandse geloof is nie genoeg nie; bou jou eie, daaglikse verhouding met Hom.
  • Waag dit vandag om God by iets spesifieks te betrek — en sien self dat Hy goed is.
  • Die Here God is Iemand wat in jou alledaagse lewe betrokke is. Daarom dat dit ook met jou goed kan gaan.

Gebed: 

Liewe Vader, dankie dat ek self kan ervaar hoe goed U is — U goedheid is elke dag nuut.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 25 Augustus 2026 – Veilig by God

Dagstukkies April

Augustus — Psalms

25 Augustus

Liewe Vriend

Rondom jou is daar vandag ’n beskerming wat jy nie kan sien nie, maar wat nooit slaap nie.  Hier is God se Boodskap net vir jou.

Tema:  Veilig by God

Teks:  “Die Engel van die Here slaan sy laer op rondom dié wat die Here dien, en red hulle. Kom ondervind en sien self dat die Here goed is! Dit gaan goed met die mens wat by Hom skuil.”  (Ps. 34:8-9)

  • Soos die berge rondom Jerusalem staan, so staan die Here rondom jou — nou en vir altyd.  (Ps. 125:2)
  • Die Here beskerm die mense wat Hom dien; jy is veilig in Sy sorg
  • Veiligheid is nie dat daar geen gevaar is nie — dit is dat God by jou is.
  • Begin jou dag met selfvertroue – die Here beskerm jou alreeds.

Gebed: 

Liewe Vader, dankie dat U my aan alle kante beskerm — by U is ek veilig.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 24 Augustus 2026 – God hoor jou roep

Dagstukkies April

Augustus — Psalms

24 Augustus

Liewe Vriend

Geen roep na God raak ooit weg nie — elke een word gehoor.  Hier is God se spesiale Woord net vir jou vir vandag.

Tema:  God hoor jou roep

Teks:  “Ek is een van die ellendiges wat geroep het. Die Here het gehoor, uit al my benoudhede het Hy my gered.”  (Ps. 34:7)

  • As jy in die moeilikheid is, kan jy na die Here roep — Hy hoor jou gebed.  (Ps. 120:1)
  • Die Here hoor hoe mense wat swaarkry na Hom roep — jou stem is nooit te sag vir Sy ore nie.
  • Hy red jou uit ál jou moeilike tye — nie net uit sommige nie.
  • Moenie jou probleme alleen dra nie; roep vandag na Hom en kyk wat Hy doen.

Gebed: 

Liewe Vader, dankie dat U my hoor as ek roep en my uit al my moeilikheid red.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 23 Augustus 2026 – Prys die Here altyd

Dagstukkies April

Augustus — Psalms

23 Augustus

Liewe Vriend

Daar is elke dag iets om voor dankie te sê — soek dit vandag doelbewus.  Hier is God se Boodskap net vir jou.

Tema:  Prys die Here altyd

Teks:  “Ek sal die Here altyd weer prys, Sy lof sal altyd op my lippe wees. Ek sal die roem van die Here sing; dié wat swaar kry, sal dit hoor en daaroor bly wees.”  (Ps. 34:2-3)

  • Die Here is groot en Hy verdien al die lof — Sy grootheid is te groot om te verstaan.  (Ps. 145:3)
  • Om die Here “altyd weer” te prys, beteken ook op moeilike dae — lof en erkenning aan God is nie net vir goeie dae nie.
  • Jou lof bemoedig ander: dié wat swaarkry, hoor dit en kry weer hoop.
  • Laat “dankie-sê” soos jou eerste taal wees — dit skuif jou fokus van jou probleme na die almag en troos van God.

Gebed: 

Liewe Vader, dankie dat ek U altyd kan prys — laat U lof altyd op my lippe wees.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 22 Augustus 2026 – Vertrou op Sy liefde

Dagstukkies April

Augustus — Psalms

22 Augustus

Liewe Vriend

God se liefde oor jou lewe is soos die son — dit skyn ook as wolke dit wegsteek.  Hier is God se Woord net vir jou vir vandag.

Tema:  Vertrou op Sy liefde

Teks:  “Hou U liefde oor ons, Here, want ons stel ons vertroue in U.”  (Ps. 33:22)

  • God se liefde reik tot in die hemel en sy trou tot in die wolke — dit is groter as wat jy kan meet.  (Ps. 36:6)
  • Sy liefde bly oor jou — nie omdat jy dit verdien nie, maar omdat Hy getrou is.
  • Hoe meer jy Hom vertrou, hoe meer ervaar jy Sy liefde.
  • Herinner vandag iemand anders daaraan dat God hulle ook liefhet.

Gebed: 

Liewe Vader, dankie dat U liefde oor my bly — ek vertrou U heeltemal.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 21 Augustus 2026 – God is jou helper

Dagstukkies April

Augustus — Psalms

21 Augustus

Liewe Vriend

Hulp is nader as wat jy dink — God self is jou helper.  Hier is God se Boodskap net vir jou vir vandag.

Tema:  God is jou helper

Teks:  “Ons vertrou op die Here: Hy is ons hulp en ons beskermer.”  (Ps. 33:20)

  • Jou hulp kom van die Here wat hemel en aarde gemaak het — niks is vir Hom te groot nie.  (Ps. 124:8)
  • Om op die Here te vertrou en om in Hom te glo, beteken jy wag met hoop, nie met vrees nie.
  • Hy is jou hulp én jou beskermer — Hy help nie net nie, Hy hou jou ook veilig.
  • Wees vandag self ’n helper vir iemand anders — so word jy God se hande op aarde.

Gebed: 

Liewe Vader, dankie dat U my hulp en my beskermer is — ek wag op U met vertroue.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 20 Augustus 2026 – God sorg vir jou

Dagstukkies April

Augustus — Psalms

20 Augustus

Liewe Vriend

Nog voor jy vanoggend wakker geword het, het God reeds vir jou dag gesorg.  Hier is God se Woord net vir jou.

Tema:  God sorg vir jou

Teks:  “Dit is die Here wat sorg vir dié wat Hom eer, vir dié wat op sy mag vertrou.”  (Ps. 33:18)

  • Los jou bekommernisse by die Here — Hy sal vir jou sorg en jou nooit in die steek laat nie.  (Ps. 55:23)
  • Die Here sorg vir dié wat Hom eer — jou respek vir Hom is nooit verniet nie.
  • Vertrou op sy krag, nie net op jou eie planne nie.
  • Gee vandag jou bekommernisse een vir een vir Hom — Hy dra dit graag vir jou.

Gebed: 

Liewe Vader, dankie dat U elke dag vir my sorg — ek vertrou op U alleen.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 19 Augustus 2026 – God is in beheer

Dagstukkies April

Augustus — Psalms

19 Augustus

Liewe Vriend

Die wêreld voel soms buite beheer, maar God se troon staan rotsvas.  Hier is God se Boodskap net vir jou vir vandag.

Tema:  God is in beheer

Teks:  “Van die plek waar Hy as koning sit, sien Hy almal wat onder op die aarde woon.”  (Ps. 33:12)

  • Die Here se troon staan in die hemel — Hy regeer oor alles en almal.  (Ps. 103:19)
  • Van waar Hy as Koning sit, sien Hy almal, ook  vir jou — niks op aarde is vir Hom weggesteek nie.
  • Die nuus of daardie dinge wat met jou gebeur, het nie die laaste sê oor jou lewe nie — die Koning op die troon het.
  • Leef vandag rustig: jou lewe is in die beste hande in die heelal. Hy sal jou beskerm en gelukkig maak.

Gebed: 

Liewe Vader, dankie dat U as Koning oor alles regeer — ek kan vandag rustig wees.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 18 Augustus 2026 – God sien jou raak

Dagstukkies April

Augustus — Psalms

18 Augustus

Liewe Vriend

Jy is nie vandag onsigbaar nie — die God van die hemel hou sy oë op jou.  Hier is God se spesiale Woord net vir jou.

Tema:  God sien jou raak

Teks:  “Die Here kyk uit die hemel en sien al die mense.”  (Ps. 33:12)

  • Die Here sien alles raak — Sy oë kyk na die mense en niks glip by Hom verby nie.  (Ps. 11:4)
  • God kyk uit die hemel en sien ál die mense — ook vir jou, met alles waarmee jy vandag sit.
  • Jy hoef nie by mense te veg vir aandag nie — die belangrikste Oog sien jou klaar raak.
  • Leef vandag asof God kyk — want wat Hy doen, doen Hy met liefde, nie om foute te soek nie.

Gebed: 

Liewe Vader, dankie dat U my raaksien, selfs wanneer ek vir ander onsigbaar voel.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 17 Augustus 2026 – God se plan staan vas

Dagstukkies April

Augustus — Psalms

17 Augustus

Liewe Vriend

Mense se planne verander heeltyd, maar daar is Een wie se plan nooit wankel nie.  Hier is God se Woord net vir jou vir vandag.

Tema:  God se plan staan vas

Teks:  “Maar die planne van die Here staan vir altyd vas, sy besluite van geslag tot geslag.”  (Ps. 33:11)

  • ’n Mens beplan baie dinge, maar wat die Here besluit, staan vas.  (Spr. 19:21)
  • God se besluite geld van geslag tot geslag — ook vir jou generasie, ook vir jou.
  • As jou eie planne skeefloop, is God se plan nog steeds op koers.
  • Bou jou toekoms op Sy vaste beloftes, nie op dinge wat heeltyd verander nie.

Gebed: 

Liewe Vader, dankie dat U plan vir my lewe vasstaan — ek vertrou U daarmee.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Gepubliseer op

Splitsekondes met God. Bybel dagstukkie vir vandag: 16 Augustus 2026 – Sing vir die Here

Dagstukkies April

Augustus — Psalms

16 Augustus

Liewe Vriend

Mag daar vandag ’n lied in jou hart wees wat niemand kan stilmaak nie.  Hier is God se Boodskap net vir jou vir vandag.

Tema:  Sing vir die Here

Teks:  “Jubel in die Here, regverdiges, sing ’n loflied, opregtes!”  (Ps. 33:1)

  • Sing ’n nuwe lied vir die Here — Hy doen elke dag nuwe dinge in jou lewe.  (Ps. 96:1)
  • Erkenning oor Sy goedheid en grootheid, pas by God se kinders — dit is die mooiste “klere” wat jy kan aantrek.
  • Jy hoef nie mooi te kan sing nie; God luister na jou hart, nie na jou stem nie.
  • Begin jou dag met musiek wat God eer, en kyk hoe dit jou hele dag verander.

Gebed: 

Liewe Vader, dankie dat ek U mag prys — U verdien elke lied.

In die Naam van Jesus Christus die Here.

Amen.

© NG Kerk Lynnwoodrif – word gebruik met toestemming.

Privaatheidsbeleid Trots aangedrewe deur WordPress