Etiket: Sending

Gepubliseer op

Missie Japan: AMPTELIKE TERUGVOER OOR BESOEK AAN JAPAN

Missie Japan 2025-11-05-04 NG Kerk Groot-Brakrivier

Inleiding

Hierdie kort nuusbrief se doel is om u as ondersteuners op die hoogte te bring van al die verwikkelinge hier by Missie Japan (MJ) asook om terugvoer te gee oor besluite wat geneem is tydens ons afgelope besoek aan Japan. 

 Die afgelope jaar was ‘n redelike besige tyd vir MJ. In Maart vanjaar was Dr Nico Mostert (Uitvoerende Amptenaar van MJ), Ds Gawie Gouws (Sameroeper van MJ se werwingskomitee) en Dr Daniël De Wet (Uitvoerende Amptenaar van die Wes-Kaap Sinode se Getuienis Aksie) op ‘n amptelike besoek aan Japan. Die doel van die besoek was om die nuwe Mission Partnership Agreement (MPA) te finaliseer en ook om te vergader met die Samewerkende Sending Kommissie van die Ring van Shikoku, oor die huidige sendelinge se werk asook oor hulle vroeëre versoek vir nog sendelinge (verkieslik ‘n sendeling-egpaar) wat hulle moet aansluit by die werk in Japan. 

 Tydens die Maart-besoek is daar in-diepte gesprek gevoer oor die profiel van voornemende sendeling-kandidate en die behoefte van die kerk in Japan. Daar is ooreengekom dat ‘n gesamentlike werwings-kommissie die proses sal hanteer. Daar is ook ‘n versoek vanaf die Ring van Shikoku ontvang dat Ds Tobie en sy vrou Annelie De Wet se kontrak met nog 3 jaar verleng moet word. Dit sal dan wees vanaf April 2026 vir ‘n verdere 3 jaar. 

Missie Japan 2025-11-05-04 NG Kerk Groot-Brakrivier
Missie Japan 2025-11-05-04 NG Kerk Groot-Brakrivier

Proses om ‘n sendeling-egpaar te beroep

Die kommissie onder leiding van Ds Gawie en Ds Ogawa het sedertdien ‘n profiel en advertensie saamgestel wat wyd in Suid Afrika versprei is. Daar was egter tot op hede nog min belangstelling gewees met slegs een egpaar wat die aansoek vorms aangevra het. Hulle het egter hulle aansoek vir eers teruggetrek weens persoonlike gesinsredes. Die pos word tans weer geadverteer.

 

Verlenging van die De Wets se diens tydperk in Japan

Tobie en Annelie se werk in die klein gemeente van Niihama loop ten einde in Maart 2026. Die Ring van Shikoku het egter besluit dat, sou hulle verder aanbly vir diens binne die Ring, dit nie weer in Niihama sal wees nie. Die gemeente van Tokushima-Wes (Seibu) het aangedui dat hulle graag die De Wets as sendeling-egpaar sou wou beroep. Die Ring van Shikoku het toestemming gegee dat hulle beroep kan word na Tokushima-Wes en die beroep is alreeds uitgebring. 

 

Tydens Missie Japan se tweede besoek in Oktober het ons dit egter duidelik gemaak dat hierdie ‘n nuwe 3 jaar diens periode is en daarom kan Missie Japan net volle finansiële ondersteuning vir De Wets gee vir die eerste jaar van die beplande 3 jaar termyn. Dit sal impliseer dat die gemeente daar ‘n groter finansiële verpligting sal moet opneem vir die laaste twee jaar en hulle het daartoe ingestem. MJ onderneem egter om nog steeds ondersteuning te verleen vir die 3 jaar en sal poog om in jaar 2 en 3, sover ondersteuners hulle weg oopsien om die ondersteuning voort te sit, finansieel by te dra tot die werk. Die besluit om langer in Japan te bly berus egter op die De Wets self – dit bly die keuse wat hulle voor die Here maak en ons sal hulle ondersteun wat ook al die uitkoms van hulle geloofsonderskeidende proses is. Ons vra u voorbidding vir hulle in hierdie proses om die pad vorentoe finaal te oorweeg in gebed. 

 

Indien die De Wets aanbly sal hulle egter eers na Suid-Afrika toe terugkom vir ‘n 2 maande besoek alvorens hulle in Tokushima-Wes begin. Die presiese datums sal nog bepaal word, afhangende van die goedkeuring van werkspermitte ensovoorts. 

 

Mission Partnership Agreement

Daar is oor die afgelope twee jaar baie hard gewerk om ‘n nuwe sending samewerkingsooreenkoms tussen Missie Japan en die Ring van Shikoku op te stel. Dit was ‘n gesamentlike proses tussen MJ en die Sending Samewerkings Kommissie van die Ring van Shikoku. Op Dinsdag 28 Oktober is die nuwe ooreenkoms amptelik onderteken. Dit baan nou die weg vir ons voortgaande werk saam met die Ring van Shikoku. 

 

Die ondertekening is waargeneem deur Ds Kovilan Moodley (ondervoorsitter MJ en RCA Moderator) en Dr Nico Mostert (Uitvoerende Amptenaar MJ). Ds Jan Lubbe (Moderator van die NG Kerk Algemene Sinode) en Dr Nioma Venter (Algemene Sekretaris van die NG Kerk Algemene Sinode) was ook teenwoordig. Beide Ds Lubbe en Ds Moodley het ook groete boodskappe oorgedra aan die Reformed Church in Japan tydens hulle pas afgelope Sinode vergadering in Kobe. 

 

Van der Watt-gesin

Dit gaan goed met hulle as gesin. Die kinders in bedrywig met skoolwerk en buitemuurse aktiwiteite. Stéphan se lesings en wyer kerklike bedienings is volstoom aan die gang en Carina se bediening met die kinders in hulle plaaslike gemeente, saam met voltydse tuisonderrig, maak haar program ook baie vol.  Dit is goed om te sien hoe hulle as gesin funksioneer en ‘n kragtige getuienis van Christelike liefde en gasvryheid beliggaam.

 

Vergadering met die Oos-Kantō Ring

Ds Taka Ashida en die Sending kommissie van Oos-Kantō Ring het ‘n skrywe gerig aan MJ vir ‘n gesprek tydens ons Oktober-besoek in Japan. Hulle versoek was om te gesels oor nouer samewerking tussen MJ en hulle Ring en die moontlikheid van wedersydse besoeke om blootstelling te bewerkstellig met lede van hulle Ring en gemeentes in SA. ‘n Baie goeie gesprek het plaasgevind op 28 Oktober. Daar is ooreengekom om vroeg in 2026 ‘n opvolg gesprek te hê via Zoom. 

 

Ons staan net verstom oor die Here se voorsiening vir hierdie bediening deur julle as ondersteuners. Ons is diep dankbaar vir julle getroue ondersteuning. Die ekonomie is traag en in Japan word die lewenskostes baie duurder omdat inflasie daar ook sy kloue ingeslaan het. 

 

Hier is ‘n kort opsomming van die belangrikste besluite wat geneem is:

  • Tobie en Annelie bly in Japan tot die einde van hulle huidige 3 jaar tydperk waarna hulle na Suid-Afrika sal terugkeer (2 maande) en dan weer (sou hulle so besluit) terugkeer na Japan vir ‘n volgende dienstydperk.  
  • Missie Japan ondersteun hulle ten volle vir een jaar, waarna die Tokushima-Wes gemeente bydra tot hulle ondersteuning.
  • Die werksaamhede van Missie Japan in samewerking met die Ring van Shikoku is vervat in ‘n nuwe samewerkingsooreenkoms wat onderteken is. 
  • Die werwingsproses van nog sendelinge na Japan gaan voort in samewerking met die Ring van Shikoku. 

 

Ons sê vir elkeen dankie vir:

  • Die volgehoue ondersteuning (finansieël, emosioneel en deur gebed)
  • Volgehoue meelewing met ons sendelinge in Japan (eposse, whatsapp-boodskappe, oproepe, ens.) 

 

Ons vra vir:

  • Volgehoue voorbidding vir die Van der Watt-gesin en die De Wets se werk en bediening.
  • Voorbidding vir die De Wets in hulle oorweging van die nuwe diens tydperk asook verdere finansiële ondersteuning van hulle ondersteuners. 
  • Die proses om nuwe sendelinge te vind en te beroep vir werk in Japan saam met die Ring van Shikoku.
  • Missie Japan 2025-11-05-04 NG Kerk Groot-Brakrivier
  • Missie Japan 2025-11-05-04 NG Kerk Groot-Brakrivier
  • Missie Japan 2025-11-05-04 NG Kerk Groot-Brakrivier

 

 Groete in Christus Jesus

                                                      

 Ds Johann Winterbach                                                                Dr Nico Mostert

(Voorsitter Missie Japan)                                               (Sekretaris Missie Japan)

Facebook: https://web.facebook.com/missiejapan/

Copyright (C) 2025 Mission Japan. All rights reserved.

Our mailing address is:
Shobu Ga Oka 3-1-3, Kita Ku, Kobe City, JAPAN, 651-1306

Gepubliseer op

Sendingnuus: Madagaskar – The Week 19 October 2025

Madagaskar Royal Rangers NG Kerk Groot-Brakrivier

I returned from the Royal Ranger Summit in Stanford yesterday. The ten days were jam-packed and included the NRMC (National Ranger Ministry Camp) leadership training, the actual NRMC camp and then the Africa Summit which included the National Directors from South Africa, Malawi, Ghana and Eswatini. I attended as an unofficial representative for Madagascar.

Lees meer “Sendingnuus: Madagaskar – The Week 19 October 2025”
Gepubliseer op

Nadine en Elmar Du Rand – こんにちはKonnichiwa Nuusbrief

Nadine en Elmar Du Rand NG Kerk Groot-Brakrivier

こんにちは
Konnichiwa Nuusbrief

Goeie dag liewe vriende,
soos altyd is dit ‘n wonderlike plesier om hier vanuit Japan aan julle te skryf. Hier in Sapporo, Japan, is dit herfs. Dit word elke dag kouer en kouer. Ons probeer die meeste daarvan maak om die omgewing waar ons woon te geniet, want binnekort sal dit in ‘n wit wonderland van sneeu verander tot April volgende jaar.

Ons deel graag hierdie gedeelte uit Jeremia met u.

Lees meer “Nadine en Elmar Du Rand – こんにちはKonnichiwa Nuusbrief”
Gepubliseer op

Sendingnuus: Lynette se nuusflits Die WEEK – 5/10/2025

Sendingnuus Madagaskar

I have been blessed by the hospitality and kindness of family and friends during my time here in Cape Town. Going to church and connecting with supporters and prayer partners, is always a time of refreshing and encouragement. My mom turns eighty-two this month and spending time with her is a priority even though it is not always easy amid a busy schedule.

Lees meer “Sendingnuus: Lynette se nuusflits Die WEEK – 5/10/2025”
Gepubliseer op

Mari-Alena Potgieter is Dinsdagaand (23 September) kom haal

Mari-Alena Potgieter 24

Die 24-jarige Mari-Alena Potgieter is Dinsdagaand (23 September) oorlede nadat sy ’n moedige stryd teen ’n aggresiewe maagkanker die afgelope 10 maande geveg het.

Mari-Alena se ma, die bekende Oekraïense sendeling Michele Potgieter (53) is hartgebroke na die afsterwe van haar enigste dogter en “beste vriendin”. Maar getuig dat God haar ook hierdeur sal dra. Mari-Alena se pa Ockert is ook in 2021 ná komplikasies van Covid-19 oorlede.

“Die Here het Mari-Alena…
Lees die volledige berig in Lig Tydskrif

U kan ook meer lees op Facebook

https://web.facebook.com/michele.potgieter

https://web.facebook.com/share/v/14TBSzSRqh8

Gepubliseer op

Sendingnuus – Madagaskar The week 28 September

Madagaskar 20250921_120712-1

I arrived safely in the beautiful Cape. Martine, my English student, of a couple of months ago, decided to come with me to perfect her English as part of a future position as crew on a yacht. It was a sudden decision and God is so faithful as people opened their hearts to Martine. So far, one family will host her for some of her time here and there is also the possibility of another family. This is what Dries and I prayed for, because we want Martine to be exposed to true believers so that she will know what Christianity really means. Please pray with us for Martine to know Jesus as her Saviour and that God has a plan and purpose for her life.

Lees meer “Sendingnuus – Madagaskar The week 28 September”
Gepubliseer op

Sendingnuus Madagaskar: La rentrée 2025/26

2025-09-09 Weeklikse nuusbrief vanaf Lynette La rentrée 2025_2026

The beginning of the new school year turned out to be a happy event. Teachers and children alike were delighted to be back at school. This will be our third school year after we moved and things are generally looking much better. There is still lots of work to do and since we have about 200 children this year, a serious lack of space. The news about the new pre-school spread very quickly and it was definitely the main attraction this year. The other reason for the rise in numbers, is a less happy one. The people who wanted to hijack our school and then started their own school after we had left the premises, did not re-open this year. We are not sure why, but although it was not a good school, it still allowed many children to go to school. Parents who have already paid school fees during the holiday, were left stranded without reimbursement. Many of those parents came to us for help and while we could not accommodate all of them, some managed to procure a place.

We had only two little ones who cried this year and one that thought that biting might get her sent home to mom. After only two days though, all was calm and the main focus was to get them adjusted to the new routine: proper manners, walking to the toilet and washing hands.

The first day of the primary school is usually taken up with organising books and making sure that the right names of the children appear on those books as parents sometimes can’t agree on what to call their children. It happens regularly that we call a child by the name on the birth certificate, just to realise that the child does not respond, because there is also another name, the ‘every day name’.

An aerial view of waves crashing against a shore.
An aerial view of a field. A road runs through the upper right corner.
An aerial view of waves crashing against a shore.
An aerial view of a field. A road runs through the upper right corner.

Royal Ranger meetings will start on Wednesday and Saturday and we are excited about what God will do in the lives of the young people this year. Please pray with us that the teachers will continue with their positive start and realise that their hard work will bear much fruit.

Dries to the rescue after he noticed that the boards for the Grade 1 children were too low.

An aerial view of waves crashing against a shore.
An aerial view of a field. A road runs through the upper right corner.

May you have a blessed week.

E-posadres: lynettedj@gmail.com
Bank: ABSA, Lynette de Jager,
Rekeningnr: 1410142909,
Takkode: 632005

Gepubliseer op

Missie Japan: Hoekom Wêreldsending?

Missie Japan Hoekom wereldsending

Hoekom wêreldsending

.Beste ,

Ons leef in ‘n deurmekaar, komplekse wêreld! En tog hou God steeds eenvoudig elke seisoen getrou in stand. Hoe het die lente aangebreek rondom jou? Het jy al kans gehad om die nuwe lewe, wat oral opskiet, te geniet? 

Ons is dankbaar vir ’n onlangse paar weke van verlof by Takayama, ‘n unieke wegbreek-plek vir (meestal) sendelinge van regoor die wêreld. Ons kon ‘n goeie balans vind tussen uitspan op ons eie en gesellige gemeenskap tussendeur. ‘n Bedrywige nuwe seisoen het intussen begin en ons val in met vars ywer. Verskeie opwindende en belangrike ontmoetings en bedienings-geleenthede wag op ons.

Jou gebede en ondersteuning is deurslaggewend, daarom deel ek meer detail — o.a. ‘n getuienis en gebedsversoeke — hieronder.

Hoekom wêreldsending?

Die fokus van hierdie nuusflits is op hoekom elke plaaslike gemeente nie net vir selfbehoud bestaan nie, maar vir deelname aan God se wêreldwye gestuurdheid. Hierdie waarheid is verál relevant vir gemeentes wat hulle God-gegewe missie — nie net naby nie maar ook ver —moet herontdek en bevestig. 

Hoekom is dit belangrik? Eerstens, wêreldsending is nie net iets op die buiterand van die sirkel van kerklike bedieninge wat aan ‘spesialiste’ oorgelaat word nie. Dit hoort in die kern van elke plaaslike gemeente, omdat dit die hart van God en die bestaansdoel van die kerk self verteenwoordig. Wêreldsending is nie iets wat sending-kommittees of getuienis-aksie lede doen nie. Dis die kern van die kerk se DNA! Verder bied ons globale betrokkenheid vir ons die geleentheid om die diepte, diversiteit en skoonheid van mense en kulture in God se wêreld te waardeer, en om vir hulle tot seën te wees. 

Miskien skakel jy af as jy dié tipe goed hoor. As dit die geval is wil ek jou uitnooi om weer ‘n slag mooi te dink oor hoekom jy deel is van ‘n plaaslike gemeente. In dié video (ook hierbo) vertel ek meer. Kyk dit gerus en deel dit met die leiers in julle kerk. Laai die PDF teks hier af.

Uit eie ervaring

As leraar van die NG Kerk, en voor dit as projekbestuurder by Communitas, het ek destyds die Vennootskap van Gestuurde Gemeentes in die vroeë 2000’s help vestig en uitbou. Die vennootskap het jare later die kerk se leierskap aangespoor tot ‘n sterk missionale fokus  (deur selfs die kerkorde hieroor te herformuleer). Ek dink dit was ’n baie konstruktiewe ontwikkeling.

Een nadeel is egter dat dit gelei tot ’n oorbeklemtoning, en soms selfs ‘n totaal eensydige fokus op alle plaaslike bedieninge. Missio Dei-teologie – dit is: God se sending / gestuurdheid – het die hele wêreld in sig. Maar die gesprek oor missionale kerkwees in dele van die Weste, insluitend Suid-Afrika, word al te dikwels uitsluitlik gefokus op wat plaaslike gemeentes in hulle onmiddelike omgewing doen. Die globale fokus van die hele Bybelse boodskap van God se versoening in Christus, word verskraal.

Hierdie plaaslike fokus (ironies genoeg) ontkoppel ook die meeste NGK-gemeentes — asook gesprekke oor missio Dei en missionale teologie in die breër kerkverband — van wêreldsending en van globale tendense en invloede in die breër liggaam van Christus. My aanvoeling is daarom dat daar meermale ’n behoorlike breër bewustheid ontbreek.

Daar is ‘n lang lys redes hoekom ek oortuig is van die belangrikheid van wêreldsending. Kyk gerus die video en gesels saam! Ons is immers medewerkers in God se koninkryk. 

Vrede, 

Stéphan (ook namens Carina en Tobie en Annalie de Wet)

PS #1: het jy ons nuus iewers gemis? Kliek hier vir ons advertensie vir nuwe sendelinge en hier vir ‘n meegaande video wat die konteks van Japan verhelder.

PS #2: Verder is daar ‘n klomp nuwe inligting om te deel oor ons bedieninge, met deeglik nagevorste bronne wat die Japannese konteks vir jou kan oopbreek en ontsluit, in die lig van ander globale tendense in wêreldsending. Kliek hier daarvoor.

U kan meer lees hier: https://missionjapan.co.za/blog-afrikaans/

Maak ‘n bydrae: https://missionjapan.co.za/contribute/

Gepubliseer op

Madagaskar Sendingnuus: The Week 31 August 2025

Madagaskar 2025 08 29 -1

New school year

The teachers returned to school on Monday and for the rest of the week the school grounds were bustling with activity. I focused on the three pre-school classrooms while Dries had to put up shelves in the new resource area as well as all the blackboards and the teachers had to clean up and sort out. As we are in the dry season, the dust is everywhere which makes cleaning a challenge.

Lees meer “Madagaskar Sendingnuus: The Week 31 August 2025”
Gepubliseer op

Sendingnuus Oekraïne Augustus 2025

Mari-Alena Potgieter 24

Liewe vriende en familie

Baie dankie dat julle bid. Dankie vir elke boodskap en dankie vir julle ondersteuning en liefde. 

Prys die Here vir Sy goedheid, liefde en vir Sy guns. Hy is altyd goed en getrou. 

Mari-Alena was verlede week vir ‘n PET scan, biopsie en gastroskopie. Die uitslae het gekom en die dokter se woorde was, dat hy so jammer is, maar die kanker is steeds aktief en het ook in die maagwand in gevreet. Hulle het reeds alles gedoen wat hulle kon. Die CAR-T sell terapie in Israel het nie die verwagte uitkoms gegee nie. Ons het weer gevoel asof ons in ‘n doodloop straat is. Ons hou net aan die Here vas. Hy is ons hoop! 

Ons het ‘n afspraak gehad by Haemolife, ‘n hospitaal wat spesialiseer in hematologie wat ons ‘n paar maande gelede gemaak het. Hulle is baie vol. Ons het die dokter gister gesien. Hy het reeds al Mari-Alena se verslae gehad en ook met die dokters in Israel gepraat. Hulle kan die volgende ondersteunende behandeling gee wat die week eers in Suid-Afrka bekend gestel word!! Prys die Here! Sy gaan Glofitamab en Polatuzumab behandeling ontvang. 

Glofitamab en Polatuzumab werk saam om Mari-Alena se immuunstelsel te help om die kanker aan te val en die kankerselle direk dood te maak.

  • Glofitamab trek haar eie T-selle (immuniteit) reg teen die limfoom-selle vas sodat die T-selle dit kan vernietig.
  • Polatuzumab heg aan die kankerselle en lewer ’n sterk dosis chemoterapie direk binne-in die sel om dit van binne af dood te maak.

Saam gee dit ’n dubbele aanval – die immuunstelsel én ’n teiken-gebaseerde chemo werk tegelyk.

Mari-Alena is vandag in die hospitaal opgeneem en is op die oomblik besig met behandeling. Prys die Here! Bid asseblief saam vir verdere behandeling. Sy gaan 6 rondtes van behandeling nodig hê, wat menslik onmoontlik is vir ons om te bekostig, maar die Here was nog altyd getrou. Ons loop op die water en hou ons oë op Jesus. Bid asseblief saam met ons. Alles is in Sy hande! Hoe ver sal mens gaan vir jou kind se lewe? Ek voel soos die weduwee wat die Koning aanhou vra en vra en nie kan opgee nie. Wanneer haar maag weer swel en sy weer in soveel pyn is, doen mens alles wat jy kan. Haar mediese fonds tree eers in Desember in werking. Nadat al vier haar broers getoets is vir moontlike beenmurg donateurs, het die toetse gewys dat Benjamin ‘n perfekte kandidaat is! Hy sal moontlik van Amerika moet kom, om die skenking te doen. 

In Oekraïne gaan dit goed en elke bediening steeds voort en die leiers volhard in hul bediening. Ek prys die Here vir die span wat Hy deur die jare opgerig het. 

Soveel nuwe jongmense het begin om die jeug aande by te woon na Masada kamp. Raduga kleuterskool het ‘n nuwe laag verf gekry vir die nuwe skooljaar wat 1 September begin. 

Ons gemeente het gehelp om drie vragmotors humanitêre hulp oor die grens te bring vir die dorp, die hospitaal en skole. Ons het dit onvang en was verantwoordelik om dit uit te deel.  Die hulp het van ons vriende uit Nederland gekom. Ons leiers en die  burgemeester het dae lank by die grens deurgebring om die vragmotors deur doane te kry, maar ons is baie dankbaar al drie het dit gamaak! Ons sentrum Gateway to Life wat hulp vir swanger mammas gee, en teen aborsie veg, het baie babaklere, doeke en baba waentjies gekry om weg te gee! Selfs Raduga het meubels gekry! Ons is so dankbaar! 

Die bouwerk aan die Nuwe Ark, ons hawe vir weeskindertjies en kinders wat geen heenkome het nie, gaan voort. Die vorige gebou is verkoop en ons het ‘n ander huis, nader aan Raduga aangekoop teen dieselfde prys. Die huis het gas, vir verhitting in die winter maande! Ons is besig om die kombuis en badkamer oor te bou. Soos die meeste ou huise is die binne mure met klei en hooi gebou. Daar is heelwat werk aan die huis, maar die bouspan het reeds begin werk. 

Bid asseblief steeds dat die oorlog sal eindig. Al sien ons dit nie meer op die nuus nie, sterf daar elke dag mense in woonstelblokke. Gewone mense soos ek en jy. 

Ons waardeer julle so baie. Dankie dat julle die pad saam met ons stap.

Groete en liefde

Michele Potgieter

Projekte rekening:

Standardbank,

Lynnwood Ridge tak (met kode 012445),

rekeningnommer 014330067 

in die naam Nuwe Dag

Vir persoonlike bydraes:

Capitec

MRS M POTGIETER

Savings Account Number: 1554335599

Branch: 470010

 SWIFT/BIC code (CABLZAJJ)

 International Sort/Routing/Clearing Code: 470010

Account number/IBAN: 1554335599

Mari-Alena:

Account Name: Marialena Behandeling en Nasorg

Account Number: 2333274073

Bank: Capitec (Savings)

  • The Ark Oekraine
  • Raduga
  • Mari-Alena Potgieter
Gepubliseer op

SENDELINGE VIR JAPAN BENODIG| Missionaries to JAPAN NEEDED Full time Missionaries to Japan (Vakature / Vacancy)

Mission Japan

Missionaries to JAPAN

Position: Full time Missionaries to Japan

Mission Japan (a joint Committee of the DRC Family and the Reformed Churches in SA) in collaboration with the Christian Reformed Church of Japan are hereby announcing that an official process is launched for the recruitment and calling (by Mission Japan) of a missionary couple(s) to work with the RCJ Shikoku Presbytery in Japan.

We hereby invite couples, not older than 35 years of age, to apply for this position. The applicants should have a vision, strong calling and commitment to world missions in general and specifically to Japan (where less than 1% of the population identify as Christian including Protestant and Catholic groups).

The suitable candidates will:

  1. 1.     Be members of the DRC Family of churches or the Reformed Churches of SA;
  2. 2.     Be in possession of a bachelor’s degree in theology (B.Th. or B.Div. or M.Th. or M.Div.) or in their final years of studies;
  3. 3.     Have a clear understanding of, and commitment to, Reformed Theology and the Reformed Presbyterian system of church governance;
  4. 4.     Be Legitimized / Licensed (“gelegitimeer”) within one of the DRC Family of churches or the Reformed Churches of SA;
  5. 5.     Have proficiency in English (any TEFL qualifications or training will count in your favour).

The recruitment committee will review candidates that have:

  1. 1.     A clear understanding, personal experience of and commitment to Jesus Christ as Lord and Saviour;
  2. 2.     A Biblical and deep inner experience of being called by God into full-time cross-cultural missions in general (and specifically Japan);
  3. 3.     Experience in, understanding of and a commitment to cross-cultural ministry and living in cross-cultural settings;

Our process:

We request that interested parties consider this opportunity prayerfully and, upon confirmation of the Lord, send an email to applymissionjapan@gmail.com showing their interest. A more detailed description of requirements and an application form will then be sent to interested parties. Applications will be received together with the requested documents and be reviewed by the recruitment committee. This committee consists of a South African team and a Japanese team.

For more information regarding Mission Japan, click on the following link to our website: https://missionjapan.co.za

Important:

  1. 1.     All correspondence has to be in English. This includes the required documents such as copies of academic records etc.;
  2. 2.     This is not a paid missionary position. Candidates will be required to raise support which is then managed by Mission Japan;
  3. 3.     Ordained ministers become ordained missionaries / ministers in the Reformed Church of Japan;
  4. 4.     This position requires that candidates learn to become fully proficient in Japanese. This is NOT an English ministry position.
Gepubliseer op

Missie Japan: Gesoek! Nog Sendelinge vir Japan.

Doop Missie Japan

Beste vriende,

Nuus

(Hierdie berig het eerste verskyn op (Wanted more Missionaries)

Sedert ons vorige nuusflits het baie water in die see geloop, saam met die sweet wat teen ons rûe bly afloop in die hitte wat nie wyk nie. Die hartroerende begrafnis van ‘n geliefde kollega se vrou, die uitbundige huwelikseremonie van ‘n oud-student, my en Carina se 20- jarige huweliksherdenking en die verjaardae van twee van ons kinders was enkele van die hoogte- en dieptepunte. En dan: die onvergelykbare groot vreugde van iemand wat uit ‘n totaal Boeddhistiese agtergrond haar lewe aan Christus oorgegee het, en deur ds. Tobie de Wet in RCJ Niihama gedoop is. Alle eer aan die Here wat deur Sy Gees op verrassende maniere bly werk!

Daar was ook ‘n rits kampe en spesiale (somerpret) samekomste vir kinders in ons buurt, wat feitlik geen idee het wat die Bybel is, of wie Jesus of die kerk is nie. Dit alles het ons dae gevul met sinvolle interaksies en geleenthede om verhoudinge te verdiep. En om in eenvoud eerste grepies van die evangelie te deel met baie mense wat dit vir die eerste keer hoor. Ons is ook op verskeie maniere stomgeslaan oor God se voorsiening die afgelope tyd, ver meer en veel groter as wat ons kon bid, dink of vra. Weereens, moenie ophou lees nie. Hieronder vertel die De Wets verder.

Verder is daar ‘n klomp nuwe inligting om te deel oor ons bedieninge, met deeglik nagevorste bronne wat die Japannese konteks vir jou kan oopbreek en ontsluit, in die lig van ander globale tendense in wêreldsending. Kliek hier.

Laastens, maar allermins minder belangrik. Missie Japan se bestuurskommittee het pas in biddende afhanklikheid amptelik die werwingsproses oopgestel vir gepaste aansoekers wat ‘n roepingsbesef het om as sendelinge in Japan te werk. Dis ‘n groot nuwe inisiatief, in samewerking met ons susterskerk, die Reformed Church in Japan, met die fokus op Shikoku eiland.

Sodra die advertensie geplaas is, sal ek dit in ‘n aparte nuusflits deel. Bid asseblief ook saam met ons vir die Here se helder leiding hierin. Kyk intussen gerus na die video hieronder wat Japan opnuut bekendstel en ‘n appél maak op dieper betrokkenheid, met die oog op nuwe medewerkers. Ons is baie dankbaar vir DJ Muller (Kaapkerk) se redigering van die video.

Ons jaarlikse verlof is om die draai, en ons sien baie uit daarna. Bid asseblief vir rus en hernieude krag en visie vorentoe.

Jou gebede, ondersteuning en omgee inspireer ons. 

Met diep waardering,

Stéphan, Carina en gesin; ook namens ds. Tobie en Annalie de Wet (RCJ Niihama)

Read in English

MAAK ‘n BYDRAE

GETUIENIS OOR DOOP

Sondag 20 Julie 2025 was ‘n rooiletter dag in die lewe en geskiedenis van die klein gemeente van RCJ Niihama, ‘n feesdag, met die engele in die hemel wat juig (Lukas 15:10) vanweë die doop van Yasuko (skuilnaam)! 

Ons kan verstaan dat dit vir sommige van julle dalk bietjie vreemd is om so ‘n ophef te maak oor een dopeling. Verstaan egter die realiteit van die kerk en sending in Japan. Daar was wel ‘n tyd toe die RCJ een van die snel-groeiende kerke in Japan was, maar vandag is dopelinge raar, nie net in die RCJ nie, in die meeste kerk-denominasies van Japan, en veral op die platteland.

          In die RCJ Shikoku Ring, met sy 16 gemeentes, was daar verlede jaar altesaam net vyf dopelinge (een van hulle was ‘n vrou van Peru wat hier in Niihama gedoop is). In ons 20-plus jare in Japan het ons persoonlik met slegs enkele gevalle te doen gehad. Niihama-gemeente se lidmate kan ons nie vertel wanneer hulle in hul geskiedenis van plus-minus 50 jaar ‘n doop in die erediens gehad het nie (behalwe vir die vrou van Peru, verlede jaar). Hulle is opgewonde oor wat die Here doen! 

Yasuko se getuienis is regtig aangrypend, soos elke een wat waarlik, veral uit ‘n totaal nie-Christelike agtergrond tot geloof en bekering kom. Daar is nie ‘n enkele Christen in haar hele familie en vriendekring en kennisse nie. Haar godsdienstige en familie-agtergrond is Boeddhisme. Haar man is ‘n ateïs. Tog het sy begin wonder in haar eie hart oor die sin van die lewe en oor God. Deur die internet het sy by die Christelike geloof en die Bybel uitgekom, waar alleen sy die antwoorde (of eerder Dié Antwoord) gekry het wat haar oortuig het. Vir enkele jare het sy slegs d.m.v. die internet haar kennis van die Bybel, die Christelike geloof en Jesus Christus verdiep. 

Sy het die behoefte ervaar om na ‘n ware Christelike kerk te gaan en selfs om gedoop te word, maar soos die meeste Japannese het sy vir baie lank nie die moed gehad om daadwerklik by die kerk se deure in te stap nie … tot op ‘n Sondag hier in Niihama, in Oktober 2024. 

Yasuko is ‘n verpleegster en werk meestal ook op Sondae, wat maak dat sy nie so gereeld eredienste kon bywoon nie. Maar vir die afgelope 9 maande het sy gereeld elke Donderdag namiddag saam met ons Bybelstudie gedoen aan die hand van die Apostoliese Geloofsbelydenis, ter voorbereiding van haar doop en kerklidmaatskap. 

Ons konsulent (‘n ander leraar uit ons ring) het kort voor haar doop met haar ontmoet, om die egtheid van haar geloof, haar verstaan van Christenskap (dissipelskap) te bevestig. Asook om oor haar kerklidmaatskap (getroue bywoning van eredienste, aktiewe betrokkenheid by kerklike aktiwiteite en haar finansiele verantwoordelikheid ens.) te gesels.

Yasuko se geloof en toewyding as jong Christen is aangrypend en inspirerend! Een van die praktiese dinge wat sy gedoen het om dit uit te druk, is dat sy van al die Boeddhistiese simbole in haar huis (wat vir Japannese uiters belangrik is) ontslae te raak.

Dank die Here saam met ons vir Sy genade in haar lewe en bid saam met ons vir haar geloofspad saam met die gemeente hier in Niihama.

SOMERPRET @Kita KOBE KERK

Vir meer fotos besoek gerus die Missie Japan se Webtuiste

Mission Japan is
ミッション・ジャパンについて

A joint mission of the Dutch Reformed Church in South Africa and other church groups worldwide, in close partnership with the Reformed Church in Japan.

A faith action, dependent on the voluntary support and prayers of individuals, groups, and Christian faith communities from around the world.

A network of support for our mission partners, working as bridge builders for the gospel of Jesus Christ in Japan.

Copyright (C) 2025 Mission Japan. All rights reserved.

Our mailing address is:
Shobu Ga Oka 3-1-3, Kita Ku, Kobe City, JAPAN, 651-1306

Gepubliseer op

Madagaskar Sendingnuus: Update

Weeklikse nuusflits vanaf Lynette van Madagaskar - Die week 20 Julie 2025 - Mozi

We are thankful that the Royal Ranger Expedition and Adventure camp was such a blessing and that the young people could end their school year in such a way. We pray that the Holy Spirit will continue to work in their hearts to remind them and challenge them to live for Christ with dedication and increasing devotion. Exam results for the national exams were very good and now these children will go to secondary school in September, which is of course a big step and we commit them to the Lord and pray that He will continue to guide them and that they will flourish. They are used to being nurtured in a small group and now they will for the most part be in classrooms with not less than 60 to 80 other pupils. Most of all, they will not be in schools where the Bible is taught and Jesus is the model for how we should live.

Lees meer “Madagaskar Sendingnuus: Update”
Gepubliseer op

Sendingnuus uit Madagaskar: The Week 29 June 2025

Madagaskar June 2025

Exam results were good across the board. There was one failure for the national Grade 5 exam. It is sad, because Sidonie was a new student and simply did not have the same input as the rest of her classmates. The children from Ampamata who go to school on Nosy Be and attend the Royal Rangers all did well, especially Masilaza who had the second highest score in her class of more than seventy students.

Alice has also graduated and will now have to make final arrangements for her studies. We are not sure what or where. It is a difficult decision for a young person to make. Please pray with us that God will show her the way forward and that she will continue to serve Him and be a blessing to everyone around her.

I will go to South Africa at the end of September for two months. It requires a lot of planning and I also have to study for my next French exam which I’ll write when I am there. Transport is always the biggest challenge for us when we go to South Africa as one needs a vehicle to get around, because public transport does not work and is not safe. Please pray with us in this regard.

Have a blessed week!

E-posadres: lynettedj@gmail.com
Bank: ABSA, Lynette de Jager,
Rekeningnr: 1410142909,
Takkode: 632005

Gepubliseer op

Missie Japan – Jongmense sê “JA!” vir lewe in Christus

Missie Japan - Jongmense se ja vir Christus

Beste vriende,

Terwyl ons drup van die sweet in Japan, trek die kouefronte een na die ander verby jou in Suid-Afrika. Ek hoop dié nuusflits bereik jou hoog en droog (en warm!).

Daar is ‘n ellelange lys van goed waaroor ek kan terugvoer gee. Die afgelope tyd was propvol aktiwiteite vandat ons jaar (amptelik) in April afgeskop het in Japan. Nie dat daar ‘n kat se kans was vir leeglê tussen Januarie en Maart nie! Maar, eerder as om in detail oor alles te probeer uitbrei, vertel die foto’s hieronder self die storie.

Ek fokus daarom net op een bediening: ’n onlangse retreat vir jong werkendes, waar ek (Stéphan) die hoofspreker was. Meer as 90 jongmense het saamgetrek in Gifu area, nie te ver van waar ek nou is, vir die Reformed Church in Japan se jaarlikse sinode nie. My aanbiedings by die retreat het gefokus op wat dit beteken om voluit ‘Ja’ te sê vir die lewe—in Christus—in alle omstandighede

Pinkstertyd het ons pas herinner dat die werk van die Heilige Gees in menselewens verstommend bly. Ek het dit weer opnuut besef toe ek die volgende boodskap van een deelnemer ontvang het, ná die retreat: “My naam is Toshiko, ons het mekaar by die jeug retreat ontmoet ‘n paar dae gelede. Jou aanbieding het ’n blywende indruk op my gemaak, veral toe jy gesê het: ‘Dis goed om net jouself te wees, maar as jy net so bly, groei jy nie.’ Daardie woorde het my regtig diep geraak want dit het my moed gegee, ek waardeer dit opreg … Met hierdie e-pos wil ek graag ‘n paar goed deel en vra. Eerstens wil ek graag meer leer oor geloof, teologie en waarheid … verder wil ek meer oor die kerk leer. Ek het voorheen eredienste bygewoon, maar weens verskeie probleme met die leraar kan ek tans nie die kerk bywoon nie. Hierdie situasie het my laat wonder: ‘Wat is die kerk regtig?’ … Is daar iets wat jy kan aanbeveel om my hiermee te help?”

  Die Here gebruik een (onbeplande!) sinnetjie uit 3 ure van aanbiedings, om ‘n saad te plant in iemand se gedagtes. Soos Paulus tereg sê in 1 Korintiërs 3:6: “Een plant, een maak nat en God sorg vir die groei.” Terloops, weet jy hoeveel generasies Christene voorheen in jou familie was? In Japan is meeste mense eerste of tweede generasie Christene. Die behoefte om te leer wat Christenwees beteken is diep en wyd.

Bid saam met ons vir groei en vir die kragtige werk van die Heilige Gees in soekers soos Toshiko se lewens. Neem opnuut saam deel—as een liggaam van Christus—aan God se groot getuienis in die wêreld. (*Toshiko is ‘n skuilnaam. Haar epos is hier verkort). Lees meer oor die bedieninge waarin ons deel by https://missionjapan.co.za, asook by https://www.facebook.com/missiejapan  

Jou gebede, ondersteuning en belangstelling bemoedig ons diep.

Vrede en vrede, in Christus.

Stéphan, Carina en gesin; ook namens ds. Tobie en Annalie de Wet (RCJ Niihama)

Pinkstertyd het ons pas herinner dat die werk van die Heilige Gees in menselewens verstommend bly. Ek het dit weer opnuut besef toe ek die volgende boodskap van een deelnemer ontvang het, ná die retreat: “My naam is Toshiko, ons het mekaar by die jeug retreat ontmoet ‘n paar dae gelede. Jou aanbieding het ’n blywende indruk op my gemaak, veral toe jy gesê het: ‘Dis goed om net jouself te wees, maar as jy net so bly, groei jy nie.’ Daardie woorde het my regtig diep geraak want dit het my moed gegee, ek waardeer dit opreg … Met hierdie e-pos wil ek graag ‘n paar goed deel en vra. Eerstens wil ek graag meer leer oor geloof, teologie en waarheid … verder wil ek meer oor die kerk leer. Ek het voorheen eredienste bygewoon, maar weens verskeie probleme met die leraar kan ek tans nie die kerk bywoon nie. Hierdie situasie het my laat wonder: ‘Wat is die kerk regtig?’ … Is daar iets wat jy kan aanbeveel om my hiermee te help?”

  Die Here gebruik een (onbeplande!) sinnetjie uit 3 ure van aanbiedings, om ‘n saad te plant in iemand se gedagtes. Soos Paulus tereg sê in 1 Korintiërs 3:6: “Een plant, een maak nat en God sorg vir die groei.” Terloops, weet jy hoeveel generasies Christene voorheen in jou familie was? In Japan is meeste mense eerste of tweede generasie Christene. Die behoefte om te leer wat Christenwees beteken is diep en wyd.

Bid saam met ons vir groei en vir die kragtige werk van die Heilige Gees in soekers soos Toshiko se lewens. Neem opnuut saam deel—as een liggaam van Christus—aan God se groot getuienis in die wêreld. (*Toshiko is ‘n skuilnaam. Haar epos is hier verkort). Lees meer oor die bedieninge waarin ons deel by https://missionjapan.co.za, asook by https://www.facebook.com/missiejapan  

Jou gebede, ondersteuning en belangstelling bemoedig ons diep.

Vrede en vrede, in Christus.

Stéphan, Carina en gesin; ook namens ds. Tobie en Annalie de Wet (RCJ Niihama)

braai vir ons studente @KRTS
 
Kobe kweekskool (KRTS)hou jaarlikse retreat
 
 
MAAK ‘n BYDRAE
 
iets van alles …  
# Kuier met familie uit SA# Ete by pastorie
# Stephan se rugby span# Tobie by RCJ sinode
 
Hoe ploeg jy ‘n rysland voor jy plant?
# Rysland rugbytoernooi# Cornelius in sy element
Party boere gebruik trekkers, ander laat rugbyspelers die ploegwerk doen!
Gepubliseer op

Sendingnuus – Oekraine Mari-Alena het verlede Vrydag die CAR-T selle terug ontvang

Mari-Alena Potgieter CAR-T kanker behandeking

Liewe vriende en familie

Aan die einde van nog ‘n dag kan ons net weer verklaar dat die Here getrou is. 

Mari-Alena het verlede Vrydag die CAR-T selle terug ontvang. Op die oomblik is die dokters besig om al die newe effekte te behandel. Dit kan gering wees tot selfs geheueverlies, ‘n koma of erger. Ons bly biddend voor die Here. Gister kon Mari-Alena glad nie praat nie, sy kon verstaan wat ons se maar kon haarself glad nie uitdruk, of op enige vrae beantwoord nie. Sy het net voor haar gestaar. Ek kan nie vir julle vertel hoe erg dit vir my was nie! Sy moes met hulp omgedraai word en was baie swak. Vandag kan sy bietjie praat, maar sukkel steeds om woorde te kry. Van gister onthou sy niks nie. Ek dink nie sy onthou die ontploffings nie. Gisteraand het sy baie hoe koors gehad asook baie lae bloeddruk, juis toe die sirenes hier in Tel Aviv afgaan. Die hele hospitaal is ontruim, behalwe ons vloer, wat op die boonste vloer geleë is. Die pasiënte op ons vloer is in hoë sorg en kan nie gekuif word nie. Ons kon die ontploffings duidelik hoor en die vensters het geruk. Drie aanvalle deur die nag. 

Lees meer “Sendingnuus – Oekraine Mari-Alena het verlede Vrydag die CAR-T selle terug ontvang”
Gepubliseer op

Sendingnuus Oekraïne – Michelle Potgieter – Nuus uit Oekraïne en Mari-Alena update

Oekraïne

Liefste vriende en familie

Mari-Alena update
Eerstens wil ons dankie sê aan elke persoon wat vir Mari-Alena geskenk, gedeel en gebid het.
As gevolg van jou het ons nou werklike hoop.
Ons loof die Here dat Hy die behandeling moontlik gemaak het! Mari-Alena het CAR-T-selterapie in Israel begin. Die T-selle is verwyder en sy is Vrydag in die hospitaal opgeneem. Sy sal drie dae se chemoterapie ontvang. CAR T-selterapie is ‘n tipe immunoterapie wat ‘n pasiënt se eie T-selle gebruik, wat in ‘n laboratorium aangepas word om kankerselle te herken en aan te val. Hierdie gemanipuleerde T-selle, genaamd CAR T-selle, word dan na die pasiënt terugbesorg om die kanker te beveg. Hierdie terapie is ‘n opsie vir sekere bloedkankers, insluitend leukemie, limfoom en veelvuldige myeloom. Die dokters sê haar kans op herstel en genesing is 50%, so ons gaan voort om elke dag te bid en die Here te vertrou. Hy is altyd goed en getrou.

Teen Donderdag sal sy moontlik die T-selle terug ontvang. Die dokter sê dat hulle haar in die hospitaal hou om te sien hoe sy reageer. Die dokter sê dat daar baie is wat kan verkeerd gaan en daarom vetrou ons net op die Here. Die gewas het intussen weer gegroei wat veroorsaak dat Mari-Alena ongemaklik is en heeltyd op pyn medikadie is. Die massa verdubbel gewoonlik elke week. Haar buik is reeds baie geswel. Die joodse dokter wat vir Mari-Alena behandel is dierbaar, baie vriendelik en ‘n kenner in haar rigting. Ons ervaar al die dokters, die professor en verpleegsters baie vriendelik en hulpvaardig. Baie van die hospitaal personeel is Russies sprekend en dit help ons baie! Oral is kennisgewings in Hebrews Arabies en Russies. 
Meeste van die Jode se Engels is ook goed. 

Ons kon een dag voor haar behandeling begin het Tel Aviv se strand verken. Dit was so ‘n wonderlike belewenis. Alles is so netjies en skoon. Lê-stoele, storte, afdakke en oefen gereedskap elke paar meter. ‘n Mens voel veilig. Ons het wel ‘n paar keer serenes in die nag beleef, maar dit is vinnig verby, nie so lank soos in Oekraïne nie en dan is ons dankbaar vir die Iron dome. 

Die vlug hierheen was ook ‘n wonderwerk. Met sterk pyn plakkers en baie medikasie was ek nogal benoud oor die grens poste, (ons het voorskrifte vir alles) maar steeds voel mens nogal bekommerd. Maar oral het ons net met die rolstoel verby gestap en die Here het voor ons uitgegaan. Niemand het eers na ons gekyk nie.  Met die hulp van die portiere op elke lughawe kon ons vinnig beweeg. Ons het eers van Kaapstad op Johannesburg oorgeklim en toe weer op Dubai. Elke keer het ons so baie min tyd gehad. Op die lughawe in Tel Aviv het Amelia, ‘n Suid Afrikaanse vrou ons gekry en gehelp tot by ons blyplek. 

Alles is hier kos tot vyf keer meer as in Suid-Afrika. Van die kos tot busse. 

Die Here sorg elke dag en stuur mense op ons pad om te help of rigting te wys. 

Ons is só dankbaar. 

Ons weet nie hoekom die Here ons al die pad na Israel gebring het nie, maar ons het ‘n vewagting en ons hoop is in Hom. 

Ons staan in verwondering oor hoe die Here sorg, voorsien en hoe Hy mense oor ons pad stuur om ons te help en by staan. Hoe Hy ons dag na dag versterk en krag gee. Vroër  vandag het Mari-Alena gehuil en gesê die pad is te lank en sy is bang dat sy weer pyn gaan hê. Maar bietjie later gesels ons, bid ons en lag ons saam. Die Here is goed.

In Oekraïne gaan alles goed en elke bediening gaan voort. Ek praat gereeld met die leiers

 Hulle is so getrou. Love Oekraïne is agter die rug en afgehandel. Elke skool het ‘n wen video gemaak en die gala aand is gehou. Daar was ook ‘n flashmob dans op ‘n christen lied in die park waar aan meer as 100 jongmense deelgeneem het. 

Die volgende projek is Masada jeugkamp. 

Die leiers het my vanaand laat weet dat die enigste datum wat hulle Masada kan hou is 30 Junie 2025. Ons beplan weer om 100 jongmense tussen die ouderdom van 13 en 18 na die kamp te neem. Bid asseblief saam met ons. Bid vir elke jongmens met wie die Here ‘n afspraak het om te gaan. Bid asseblief vir die nodige finansies. Ons stap weer uit in geloof. Sewe dae 100 jongmense R300 vir verblyf en kos per kind per dag. 

Plus die huur van busse en vervoer vir almal. Bid asseblief vir Masada. Dat die Here dit sal seën. Ons weet nie hoe dit gaan gebeur nie, maar weet dat dit moet gebeur. Jongmense se lewens gaan vereeig verander word. 

Die Ark, ‘n toevlug vir kindertjies en babas wat nie ‘n huis het nie. Daar is op die oomblik drie kindertjies wat sosiale dienste na ons sentrum gebring het wat dringend blyplek en versorging  nodig het. Ons is in die proses om ‘n huis te koop wat reeds verhitting vir die winter het asook ‘n groot tuin. Die huis het vier slaapkamers.  Ons sal heelwat aan die huis moet werk, maar ons glo dat dit die perfekte plek is, aangesien dit baie naby aan Raduga Kleuterskool is. Die vorige huis waarin die ark was, het nie gas om in die winter die huis te verhit nie en die huis se krag en bedrading is oud en kan nie die lading en verhitting hanteer nie. Dit is ver uit die dorp en het vir jare al ‘n probleem met muf teen die mure en veral uit die grond. 

Bid asseblief dat ons die ou huis vinnig verkoop sal kry om die hele bedrag vir die nuwe huis af te kan betaal. 

‘n Jong man wat vir baie jare kerk toe gekom het is die week in die oorlog dood. Bid asseblief vir vrede in Oekraïne. Dit is breek ‘n mens se hart. 

Dankie dat julle bid, omgee en hierdie pad saam met ons stap. 

Baie liefde en seën 

Michele Potgieter 

Capitec

MRS M POTGIETER

Savings Account Number: 1554335599

Branch: 470010

 SWIFT/BIC code (CABLZAJJ)

 International Sort/Routing/Clearing Code: 470010

Account number/IBAN: 1554335599

🌸

Account Name: Marialena Behandeling en Nasorg

Account Number: 2333274073

Bank: Capitec (Savings)

🌸

Projekte rekening:

Standardbank,

Lynnwood Ridge tak (met kode 012445),

rekeningnommer 014330067 

in die naam Nuwe Dag

🌸

https://gofund.me/903e1f8a

Privaatheidsbeleid Trots aangedrewe deur WordPress