30 Mei
Liewe Vriend
Vandag wil God jou sensitief maak vir die regte woord op die regte oomblik — Lees hierdie boodskap uit die Bybel vir vandag.
Tema: Die regte woord op tyd.
Teks: “Soos die allermooiste musiek, so is ’n woord wat op die regte tyd gesê word.” (Spr. 25:11 – Die Boodskap)
- Laat elke woord en gedagte van jou goed wees. (Ps. 19:15)
- ’n Woord op die regte tyd het meer waarde as ’n lang toespraak op die verkeerde oomblik — luister voor jy praat.
- Volg God se leiding — kyk om jou en vra: wie het vandag my aandag nodig?
- Bid elke môre dat God jou oë oopmaak vir die regte woord waarmee jy iemand se dag kan beter maak.
Gebed
Liewe Vader, dankie dat U my kan lei om die regte woord op die regte tyd te sê — help my om vandag sensitief te wees vir wie ’n opbouende woord nodig het.
In die Naam van Jesus Christus die Here.
Amen.
© NG Kerk Lynnwoodrif – word gebruik met toestemming.