2 Mei
Liewe ….
Vandag bid ek dat dit met jou baie goed sal gaan. Mag die Here jou goeie lewe en gesondheid gee. Net so bid ek dat wie nie goeie beplanners is nie, daardie talent van die Here sal kry. Hier is Sy Woord vir jou.
Tema: Leer om te beplan
Teks: “Die graan moet vir die land in reserwe gehou word, dit moet vir die sewe jaar van hongersnood beskikbaar wees in Egipte. Dan sal die hongersnood nie die land uitroei nie.” ” (Gén 41:36)
- Die lewe gebeur nie net sommer nie. Daar is orde, ritme, harmonie en balans.
- Daarom dat jy georden moet leef – in jou privaat lewe en in jou werk.
- Sommige mense dink beplanning is onnodig.
- Jy het dalk nie noodwendig die talent om te beplan nie, maar God se Gees help jou dit aanleer.
- Beplanning is noodsaaklik vir sukses.
- Wanneer jy jou lewe en werk beplan, sal jy met meer grasie hier op aarde leef.
Gebed
Liewe Vader, gee my wysheid, insig en die wilsvermoë om my lewe te beplan.
In Jesus se Naam.
Amen.
© NG Kerk Lynnwoodrif – word gebruik met toestemming.