“Ek gee julle ‘n nuwe gebod: Julle moet mekaar liefhê. Net soos Ek julle liefgehad het, moet julle ook mekaar liefhê. Dit is hoe almal sal weet dat julle my dissipels is – as julle liefde teenoor mekaar het.”
Joh. 13: 34-35
Die persepsie van die liefde, in vandag se tyd, word so verdraai, dat dit soms moeilik is om by die ware bedoeling van die Liefde, soos wat dit in die Woord bedoel word, uit te kom. Ons as mense is sulke fisiese wesens, dat ons so maklik weggevoer word na die aardse liefdes begrip. Vrouens dink as hulle mans nie ‘Vatentynsdag’ onthou nie of gereeld blomme aangedra word, ontbreek die nodige liefde! As die vrou nie altyd die kos kook waarvoor die man lus is nie, of nie dadelik regstaan wanneer die man moeg by die huis aankom, word daar maklik verwyte van liefdeloosheid rond geslinger. Ons verloor so maklik die realiteit van wat die Liefde van Christus vir ons kom wys het.
Sondag 23 Maart 2025: Erediens 09:00 – Geen Kategese. Woensdag 26 Maart 2025: Blokbyeenkoms 6B :18:00 Woensdag 26 Maart 2025: Kooroefening: 16:45 Woensdag 26 Maart2025: Wolwedans boodskap, sop en brood Donderdag 27 Maart 2025 : Bloedskenk 14:00-19:00 Sondag 30 Maart 2025 : Erediens om 09:00 – Geen Kategese 9 April 2025: Klub 50 – Wat wil jy nog hê? 12 April 2025: Gholfdag
Baie welkom by die erediens gelei deur ds Danie Goosen.
Ons skriflesing kom vanoggend uit Lukas 13:1-9 (2020-vertaling).
Die tema van die prediking is: Die Onverwagte?
Vierde Lydensweek.
GEEN Kategese.
Spesiale offer vir Gemeente Instandhoudingsfonds by die deure.
Tee sal bedien word in die kerksaal na afloop van die erediens. Almal is welkom.
Groenkloof preek om 10:00 – Ds Danie Goosen.
Woensdag 26 Maart 2025 :
Blokbyeenkoms om 18:00 in Blok: 6B (Eurekapark) by Alida Terblanche, Duineweg 4. Kobus Stander – 084 657 3611.
Kooroefening by die orrel om 16:45. Marida – 082 471 0751. Alle belangstellendes is welkom.
Donderdag 27 Maart 2025 : Bloedskenk
Skenk Bloed op 26 Maart 2025
Vrydag 28 Maart 2025 :
Skole sluit.
Sondag 30 Maart 2025 :
Erediens om 09:00.
Prediker – Dr Gerrie van Deventer.
Doop.
Vyfde Lydensweek.
GEEN Kategese.
Spesiale offer vir Magdalenahuis by die deure.
Tee sal bedien word in die kerksaal na afloop van die erediens. Almal is welkom.
Groenkloof preek om 10:00 –Digitaal.
Verjaarsdae
Bedieninge
Omgeebediening :
Indien u bewus is van iemand met nood, siekte of wat eensaam is en hulp benodig kontak u kerkraadslid of die kerkkantoor.
Ons wil gemeentelede kans gee om prakties betrokke te raak! By die deure is houers om enige nie-bederfbare kosprodukte in te plaas soos suiker, pasta, rys, konfyte, blikkieskos, seep, tandepasta, koffie, tee, ensovoorts. Enige bydraes help om nood te verlig.
Enige persoon wat graag by die Omgeebediening betrokke wil raak skakel asseblief vir Corrie Pieters – 082 327 9527.
Getuienisbediening :
Wolwedans boodskap, sop en brood
Ons nooi die gemeente om weer deel te neem aan ons projek om ‘n bemoedigende boodskap, 2 liter sop en ‘n brood te voorsien aan 105 gesinne elke tweede week. Die uitreikdatums vir die eerste kwartaal is 26 Maart.
Behoeftes vir Getuienisprojekte
Daar is ‘n deurlopende behoefte aan wol, materiaal, gare, borduurgare, linne, gebreekte keramiek/porselein (vir mosaïek projekte) inkleurkryte en -potlode. Dankie by voorbaat vir u deelname.
Ondersteuningsgroep :
Ons groep bestaan uit ’n klompie toegewyde lidmate wat een keer ’n maand bymekaar kom en by mekaar leer en vir mekaar ondersteuning bied.
Die doel is om dan uit te gaan as geroepenes om mense in ons gemeente en gemeenskap by te staan. Dit doen ons deur:
Rygeleenthede vir dokterafsprake, hospitaal besoeke en dies meer.
Hulp met inkopies.
Ondersteuning deur dààr te wees in moeilike omstandighede.
Uit te reik na die mense om die toenemende probleem van alleen wees en eensaamheid te verlig.
Van hierdie maand af verleng FEBA Pakistan se daaglikse mediumgolfuitsendings van 30 na 60 minute! Die span werk ook aan ’n nuwe videoreeks, “Christelike Gesinslewe”, wat hopelik in April op YouTube sal begin uitsaai. FEBA Pakistan se opvolgwerkers het intussen hulle werk op alle uitsaaiplatforms uitgebrei om kontak te maak met mense wat na God soek en om nuwe luisteraars leiding te gee.
Ons gebed vir die week: Bid dat FEBA Pakistan se span veilig sal bly en dat hul nuwe programme oorvloedige vrug sal dra.
Klub 50
Staan ‘n kans om ’n krat vol kruideniersware te wen!R20 lootjies Sondae by die tee na kerk by Johan Smit te koop.
Die webwerf (nggrootbrak.co.za)
23 Maart 2025
Erediensbediening:
Skakel na die YouTube Erediens van 23 Maart 2025.
Getuienisbediening:
Daar is sending nuus vanaf Lynette uit Madagaskar.
Michelle Potgieter gee aan ons terugvoer oor Mari-Alena.
Bybelstudiereeks:
Begin elke dag jou dag met ‘n inspirerende boodskap uit ons webtuiste se eksklusiewe reeks ‘Skep asem vir vandag’. Vorige dagstukkies kan gevind word deur op die skakel onderaan te klik.
Vind die Weeklikse: “Stof tot nadenke: Die Nuwe Gebod”.
Die Afkondigings word weekliks op die webwerf geplaas.
Ons dank u vir u volgehoue bydrae en ondersteuning van die werk van die Here.
With just one month left of Anne and Annika’s three-month stay, time is flying by, and there’s still so much to do and experience! Last week, Annika and I began working on the mural in the new classroom. We managed to complete the background for our underwater-themed design, though I’m still finding traces of blue paint under my fingernails! Our goal is to finish most of it in the coming days. Every now and then, some of the children would put their heads around the door and encourage us by some ‘oohs’ and ‘aahs’.
Ek sit hier in dir hospitaal kamer en gebruik die tyd om te skryf terwyl Mari-Alena bietjie slaap. Vanmore het sy my gebel en gesê dat sy soveel pyn het en dit nie meer kan uithou nie. Sy is moeg vir die chemo en wil huis toe kom.
Ek jaag hospitaal toe met ‘n stukkende hart. My dogter krul van die pyn. Sy kan nie sit of staan of lê nie.
Tydens die Maart byeenkoms van Klub50 lede het hulle pret gehad met die musiek instrumente wat Lasya, ‘n musiekonderwyseres wat ook by ‘Up with Downs’ betrokke is, saamgebring het.
Almal het met oorgawe deelgeneem aan die slaan op die dromme en ander musiekinstrumente. Die byeenkoms is afgesluit met heerlike hamburgers vir middagete, waarvan die vleis op die braaivleis vure gaargemaak is. Dit was ‘n gesellige en vrolike kuier oggend vir almal.
“Uit Myself kan Ek niks doen nie. Ek oordeel volgens wat Ek hoor, en My oordeel is regverdig, omdat Ek nie my wil nastreef nie, maar die wil van Hom wat My gestuur het.”
Joh. 5: 30
In hierdie aardse bestaan van ons, soek ons altyd iemand of iets om te beskuldig, wanneer dinge nie volgens ons eie plan of menslike oordeel gebeur nie. Wanneer iets verkeerd gaan, soek ons ‘verskonings’ oor hoekom dit nie ons eie skuld is nie, om so enige blaam van onsself af weg te keer. Ons is altyd baie vinnig om ‘n oordeel oor die situasie te fel, sonder dat ons die wil van God gevra het. Ons blameer selfs ons menslike natuur en begeertes, waarteen ons sogenaamd geen verweer het nie. Ons moet egter besef dat ons verantwoordelikheid moet neem vir enigiets, waar ons, teen die wil van God, verkeerde besluite geneem het en dus na enige verkeerde dinge en oordele gelei het. Die eintlike vraag vandag is of ons wel regverdig oor enigiets kan oordeel? Ons word herhaaldelik gemaan om nie net te oordeel nie!
