2 April
My gebed is dat jy die wonders van God sal raaksien – ook hoe Hy vrede in jou verhoudinge bewerk. Hier is ‘n boodskap uit die Bybel vir jou.
Tema: Vrede kom wanneer jy dit nie verwag nie
Teks: “Maar Esau sê vir hom: “Broer, ek besit self baie. Wat joune is, moet joune bly.”( Gen 33:9)
- In die verhaal van die familie, die broers Jakob en Esau, speel konflik, vriendskap en vrede ‘n belangrike rol.
- Soms is jy bang om uit te reik en vrede te maak – jy is bang vir verwerping of nuwe konflik.
- Dit is belangrik dat jy die kans vat en dit waag om vrede te probeer maak.
- Wanneer jy kalm oor probleme praat, bring jou woorde heling, hoop en genesing (Spr. 15:4).
- Jy sal verbaas wees hoe die ander persoon jou omarm.
Gebed
Liewe Vader, ek het moed nodig om vrede te maak. Gee dit vir my.
In Jesus se Naam.
Amen.
© NG Kerk Lynnwoodrif – word gebruik met toestemming.